Hilbijartin mafekî destûrî ye û veguhestina aştiyane ya desthilatê ye

Medya Serokatiya Komarê

Serok Dr. Abdul Letîf Cemal Reşîd

Rêzdar Serokkomar Dr.Ebdul Letîf Cemal tekez kir ku lidarxistina hilbijartinên encumenên parêzgehan pir girîng e, bi taybetî di vê heyamê de ku hewlên hikûmetê berdewam in ji bo avakirin, avadankirin û pêşkêşkirina xizmetguzariyên curbicur.
Birêz Serok îro Şemî 9.12.2023 di daxuyaniyekê de ji aliyê cenabê xwe ve got: “Hilbijartin mafekî destûrî ye ji bo yekkirina prensîbên demokrasiyê û girîngtirîn rê ye ji bo veguhestina aştiyane ya desthilatê û welatî vîna xwe ya azad bînin ziman.”
Serokkomar daxwaz ji hemwelatiyan kir ku bi awayekî aktîv beşdarî vê mafê helbijartinê bibin ji bo xizmetkirina baştir bajaran û jiyaneke xweş ku Iraqiyan layîq e.
Her wiha cenabê wî daxwaz ji aliyên pêwendîdar bi birêvebirina proseya hilbijartinan kir, ku li ser hewlên pêwîst berdewam bin ji bo encamdana proseyeke serkeftî ya hilbijartinan ku rêz li îradeya dengderan bigire û dadperwerî, wekhevî û pabendbûna bi pirensîpên destûr û yasayan dabîn bike.
PUKMEDIA