Li Zanîngeha Silêmaniyê yekemîn konferansa jin tê lidarxistin

PUKMEDIA

Konferansa Jinê

Bi amadebûna Cîgirê Serokwezîr Qubad Talebanî û Xanima Yekem a Êraqê Şanaz Îbrahîm Ehmed û Dr. Aram Muhammed Qadir Wezîrê Xwendina Bilind, Wezîrê rewşenbîrî Hemey Heme Seîd û Ciwanan û Mamosteyên Zanîngehê Yekemîn Konferansa Jinan a Navneteweyî di bin dirûşmeya Jin neynika civak û dîrokê de ku konferansa hevpar a Zanîngeha Silêmanî û Zanîngeha Cîhan-Silêmanî ye, dest pê kir.

Qubad Talebanî di panêlekê de li ser beşdarbûna xwe di yekemîn konferansa navdewletî ya jinan de di bin navê (Jin di neynika civak û dîrokê de) got: Jin di civaka me de xwedî hêz û vîn in û di hemû waran de bi ser ketine, û pirsa wekheviya jin û mêran pirseke cîhanî ye û jin dikarin alîkariya xwe bikin û di navbera xwe de hevkariyê bikin.
Qubad Talebanî di berdewamiya axaftina xwe de got: perwerdekirina civakê li ser mafên jinan gelek girîng û di heman demê de zehmet e, ji ber ku ev mijar ne wek derxistina biryar û yasayekê ye, lewma divê em rojane li ser perwerdekirina civakê berdewam bin û bi berdewamî guh bidin vê dosyayê û divê hemû beşên civakê giringiyê bidin dosyaya mafên jinan.
Qubad Talebanî got: Em piştevaniya her hewl û hewlekê ji bo pêşxistina mafên jinan û kêmkirina tundûtûjiya li dijî wan dikin û divê hûn vê konferansê berdewam û berfireh bikin û bi hevkariya hemû zanîngehan li hemû navçeyên Herêma Kurdistanê li dar bixin.
Got jî: Tu namûs di kuştina jinan de nîne û bi çi hincet nabe tundûtûjîya li ser wan bê kirin, niha rûbirûbûna tundûtûjîya li dijî jinan rû dide, û tedbîrên tund li dijî kesên tundetşjiyê dikin têne girtin, divê hikûmet giringiyeke mezin dide pirsa jinan .
PUKMEDIA