YNKê: Hilbijartinên Kerkûkê pirseke niştimanî û demokratîk e

PUKMEDIA

Hilbijartinên Kerkûkê pirseke niştimanî û demokratîk e

Endamekî Encûmena Serkirdayetiya Yekîtiya Niştimanî ya Kurdistanê tekez kir, ku ew hilbijartinên Kerkûkê û navçeyên Kurdistanê wek pirseke niştimanî û demokratîk dibînin û nakevin nav nakokiyên hizbî û spasiya kesayetî û aliyên ku beşdarî nava refên YNK û hevpeymaniyê  bûne kir .
Endamê Serkirdayetiya Yekîtiya Niştimanî ya Kurdistanê (YNK) Stran Ebdullah di civîneke çapemeniyê de got;“Em spasiya hemû kesên ku tevlî refên YNK û hevpeymaniya Kerkûkê bûne, dikin..Koalîsyona li Kerkûkê qada şerekî xurt e, em li Kerkûkê hilbijartinên pêşwext weke têkoşîneke hizbî nabînin, berovajî em di wê baweriyê de ne ku meydana şerê Kurd û hevpeymaniya Kerkûkê meydaneke bihêze ya  têkoşîneke demokratîk û netewî.” 
Stran Ebdullah got: “Yekîtiya Niştimanî ya Kurdistanê (YNK) daxwaz ji parêzgarekî Kurd dike ku wî bajarî birêve bibe û bi hemû civakan re bi awayekî wekhev tevbigerin û xizmetguzariyên xwe pêşkêşî hemû kolan, gund û navçeyên bajêr bikin.’’
PUKMEDIA