Berdevkê YNKê: Xelkê Gowêrê xizmet û wekheviyê dixwazin

PUKMEDIA

Saadî Ehmd Pîre

Berdevkê Yekîtiya Niştimanî ya Kurdistanê serdana Komîteya Goewêrî kir û ragihand ku welatiyên Nînewa dê di hilbijartinên encumenên parêzgehên Êraqê de dengê xwe bidin Yekitiya xelkê Nînewa ya jimare 134, da ku her kes bi azadî kar û barên xwe birêve bibe û bê cudahî xizmeta her kesî bike.
Berdevkê Yekîtiya Niştimanî ya Kurdistanê Saadî Ehmed Pîre roja Yekşemê 3-12-2023`an serdana komîteya Gowêrî kir û di civîneke rojnamevanî de ragihand: Gowêr xwediyê gelek karînên mirovî ye û pêwîstiya wê bi wekheviyê heye,lê pirsgirêka Gowêr ewe ku rêveberiyeke serkeftî têde niye.
Li Gowêrê heta ku welatî di partiyeke diyar de nebin ti maf bi dest naxin. Ev jî sedema sereke ye ku welatî di vê hilbijartinan de deng bidin hevpeymaniya xelkê Nînewayê.

Wî got: Ewên ku berê hatibûn hilbijartin, li şûna ku xizmeta welatiyan bikin bûne bindestê hin kes û partiyan di demekê de bû ku ji bo xizmetkirinê hatine hilbijartin ne ku bibin serdestê xelkê."

Yekîtiya Niştimanî ya Kurdistanê bi Partiya Rifaya Niştîmanî re hevpeymaniyek çêkir da ku beşdarî hilbijartinên encumenên parêzgeha Nînewa bibe.


PUKMEDIA