Serokkomarê Iraqê bi Sekreterê Giştî yê NATOyê re hevdîtin kir

Mediya Serokkomar

Serokkomarê Ebdulletîf Cemal Reşîd û Jens Stoltenberg

Roja Înê 1ê Kanûna Pêşîn a 2023an, Serokkomarê Iraqê Ebdulletîf Cemal Reşîd di çarçoveya COP28ê de ku li Îmarat li bajarê Expo City li bajarê Dubayê hat lidarxistin, ligel Sekreterê Giştî yê NATOyê Jens Stoltenberg civiya.
Di civînê de Wezîrê Derve Fuad Husên û Wezîrê Jîngeh Nizar Amedî amade bûn.
Wan pêşhatên giştî di warê siyasî û ewlehiyê de li ser asta cîhanî gotûbêj kirin.
Serok Reşîd balkişand li ser wê yekê ku guhertina avhewayê metirsiyeke cidî ye li ser ewlehî û aramiya cîhanî û daxwaz ji hemû welatan kir ku zêdetir hevkarî û peywendiyên zêdetir bikin ji bo çareserkirina van pirsgirêkên  cîhanî.
Ji bo kêmkirina bandorên xirab ên guherîna avhewayê, ziwabûn, kêmbûna avê û biyabanbûnê, Serok Reşîd li ser gavên ku Wezîrê Jîngehparêz Nîzar Amedî di hewleke hevbeş de li kêleka wezaretên din ên Iraqî pêşengiyê dike, gotûbêj kir.
Herwesa serok Reşîd berdewamîya destdirêjîya ser xelkê zîvala Gazayê şermezar kir û piştgiriya bênavber ya Îraqê ji doza Felestînê dupat kir.
Li hember binpêkirina qanûnên navneteweyî û mafê çarenûsî yê gelê Filistînê pêwîstî bi helwesteke navneteweyî ya eşkere û zelal heye.
Emîndarê giştî yê NATO`yê pesna performansa berbiçav a Iraqê di warê rûbirûbûna têrorîsmê, bihêzkirina aştiya navçê û pêkanîna ewlehî û aramiyê li vî welatî da.
PUKMEDIA