Rojnamegerekî Silêmanî li New Yorkê tê xelatkirin û çalakvanek jî li Hewlêrê tê girtin

PUKMEDIA

Elî Reûf û Niyaz Ebdullah

Rojnamegerekî Silêmanî ji aliyê Komîteya Parastina Rojnamegeran (CPJ) ya li New Yorkê ve bi Xelata Azadiya Çapemeniyê ya Navneteweyî hat xelatkirin û heman demê û çalakvan û nûnerê giştî yê mamostayan li Herêma Kurdistanê ji aliyê hêzên ewlehiyê yên PDKê ve li Hewlêrê hatiye girtin.
Di 16’ê Mijdarê de Komîteya Parastina Rojnamegeran (CPJ) li bajarê New Yorkê Xelata Azadiya Çapemeniyê ya Navneteweyî da Nîaz Abdullah.
Rojnameger Niaz Ebdullah li ser rûpela xwe ya Facebookê wiha nivîsî:“Min ev xelat pêşkêşî çar sembolên azadîxwazên Kurdistanê kir: Girtiyên Badînan, Jîna Emînî, Selahedîn Demîrtaş û Mazlûm Ebdî.”
Her wiha got:‘’Zehmetî û pirsgirêkên li pêşiya rojnamegeriyê çi qas zêde bin, dikarin wergerînin wêrekî û berdewamiya xebatê, ji ber vê yekê hemû israr û tekoşîna berdewam a ji bo parastina azadiya çapemeniyê û prensîbên demokratîk wê bi encam bibe û dikare bibe sedema guhertinê.”
Ev di demekê de ye, sibeha îro şemiyê 18-11-2023, çalakvan û nûnerê giştî yê mamostayan li Herêma Kurdistanê Elî Reûf xwest ku biçe Hewlêrê û daxwaza mafê mamostayan bike û û sibe jî weke hemû bajarên Herêma Kurdistanê ji bo mafên xwe xwepêşandanek lidar bixe û daxwaza mûçeyan bike lê, ji aliyê hêzên ewlehiyê yên PDKê ve li xala kontrolê Kalak hat girtin.
PUKMEDIA