Derbaz Kosret Resûl: Divê pêkhat nûnerên xwe yên rastîn hilbijêrin

PUKMEDIA

Darbaz Kosret Resûl û Aydin Merûf

Îro çarşemî piştî nîvro li baregeha mekteba siyasî ya bajarê Hewlêrê, Berpirsê Mekteba Pêwendiyan Darbaz Kosret Resûl pêşwaziya şandeke Eniya Tirkmenî bi serokatiya endamê mekteba siyasî Aydin Merûf kir.
Di civînê de, Dr.Mecîd Hemedemîn Berpirsê Malbenda  Hewlêrê û Salar Lala Serhed Serokê Desteya Kurdistanî  amade bûn û behsa peywendiyên navbera her du partiyan Yekîtiya Niştimanî ya Kurdistanê û Eniya Tirkmenî kirin.
Di beşeke din ya civînê de behsa hilbijartinên parlementoya Kurdistanê , rol, pêgeh û beşdariya pêkhatan  hate kirin, Derbaz Kosret Resûl tekez li ser vê yekê kir ku YNK dixwaze mafên hemû civak û neteweyan bên parastin û nûnerên xwe yên rasteqînî  bi awayekî azad bên hilbijartin.
Rewşa Kurdistanê û peywendiyên di navbera aliyan mijareke dinê vê hevdîtinê bû û her du alî li ser wê yekê hemfikir bûn ku pirsgirêk  bi diyalog û jihevtêgihiştinê bên çareserkirin.
PUKMEDIA