Serokê YNKê: Silêmanî bajarê fedekarî, ramana azad, çand û nûjeniyê ye

Daxuyaniya Serokê Yekîtiya Niştimanî

239. salvegera damezrandina bajarê Silêmaniyê

Serokê Yekîtiya Niştimanî ya Kurdistanê Bafil Celal Talebanî,bi sedema  239 saliya damezrandina bajarê Silêmaniyê pîrozbayî  kir û di daxuyaniyekê de tekez li ser wê yekê kir ku Silêmaniyê beriya niha îsbat kiriye ku bajarê qurbanî û rizgariyê ye.
Daxuyaniya Serok BafIl Celal Talebanî wiha ye:
Em îro bi dilxweşî û hezkirineke mezin 239 saliya damezrandina bajarê Silêmaniyê bi bîr tînin, bajarekî ku di dirêjahiya dîrokê de destkeftên mezin tomar kirine û di fedekarî, ramana azad, çand û nûjeniyê de bûye mînak.

Silêmanî hertim li hember neheqiyê rawestiyaye

Bi balkişandina li ser paşeroja vî bajarê hêja û dîroka wî ya binavûdeng, diyar dibe ku Silêmanî di qonaxên curbicur de hertim li hember  neheqiyê rawestiyaye û xelkê wê ji bo azadî û serbilindiyê  bi ruhê serhildêr û  fedakarî têkoşiyane. Bi tijî enerjî û berdewam tê nûkirin û di bin ti şert û mercan de jîndarîya xwe winda nake Silêmanî.
Silêmanî her dem domdar, bibandor û bi hêz bûye û ev xisletên han ji xwezaya çiyayên wê yên bi heybet peyda bûne û rojane di kûrahiya hemwelatiyên wê yên leheng û ronakbîr de xuya dibin, ku bi berdewamî ji bo têkoşîna hemû Kurdistanê amade bûn bi ramana xwe ya azad û nûbûyî ber bi pêşerojeke ronîtir û demokratîk ve bimeşin.

Silêmanî bajarê qurbanîdan û rizgariyê ye

Silêmanî bi rastî îsbat kiriye ku ew bajarê qurbanîdan û rizgariyê ye, bajarê afirînerî û çandê ye, lewma divê her kes têbigihê ku Silêmanî gotin û diruşmên bilind red dike û divê bi kiryaran xizmet jê re bê kirin.
Silav li ruhê hemû kesên ku di demên borî de hewla parastin, geşepêdan û avadankirina Silêmaniyê dane, spas û hezkirin ji bo wan kesên ku xeyala pêşerojeke baştir dikin û ji bo wê yekê têdikoşin.
Bafil Celal Talabanî
Serokê Yekîtiya Niştimanî ya Kurdistanê
PUKMEDIA