Serokkomar pişka Iraqê ji avê digel Netewên Yekgirtî gotûbêj dike

Hevdîtinên Serokkomar

Malpera Serokatiyê

Birêz Serokkmar Ebdulletîf Cemal Reşîd îro Çarşeme li Koşka Bexdayê pêşwaziya Cîgirê Sekreterê Giştî yê Netewên Yekgirtî ,Serokê Tîma Serbixwe ya Çavdêriya Stratejîk, Mîsyona Alîkariyê ji bo Iraqê, birêz Volker Peretz.
Di hevdîtinê de behsa hevkariyên heyî yên li gel Nûnertiya Netewên Yekgirtî li Îraqê hate kirin û Serokkomar tekez li ser bihêztir kirina hevkariyên han û bilez kirina çareser kirina pirsgirêkên  heyî bi taybetî pirsa awareyên welat û piştgîriya ji bo hikûmetê gel  saziyên di warê aborî û civakî de bi welatiyan ve girêdayî ne kir.
Birêz Serok amaje bi hewlên hikûmetê ji bo dabînkirina îstiqrara ewlekarîyê kir, ji bilî başkirina rewşa jîyan û xizmetguzarîya welatiyan, handana sermayeguzarî û piştgirîkirina sektora taybet.
  Cenabê wî anî ziman ku Iraq ji bilî peywendiyên baş bi welatên cîran û cîhanê re şahidê pêşkeftinên erênî ye ku di jiyana giştî ya îraqiyan de xuya bûye û hêvî xwest ku vê wêneyê bigihîne civaka navdewletî.
Serokkomar amaje bi kirîza avê û pêwîstiya bi hewlên hevbeş kir, bi taybetî rola nûneratiya Netewên Yekgirtî li Iraqê, ji bo dîtina çareyan ji bo ku Iraq pareke dadperwer a avê bidest bixe.
Ji aliyê xwe ve birêz Volker Peretz pêşkeftinên ku ji aliyê Iraqê ve bi dest ketine û rola wê ya sereke di nêzîkkirina nêrînên welatên navçeyê ji hev re bilind nirxand û ji cenabê Serokkomar re behsa karê nûneratiya Netewên Yekgirtî li Iraqê û hevkarîya heyî di navbera hukûmeta iraqî û ajansên UNê de kir.
PUKMEDIA