Saadî Pîre: Serok Bafil ji bo çareserkirina pirsgirêka mûçe li Bexdayê ye

PUKMEDIA

Saadî Pîre

Berdevkê Yekîtiya Niştimanî ya Kurdistanê teqez kir ku civîna Yekîtiya Niştimaniya Kurdistanê û Partiya Demokrat erênî bû û got:“Emê hemû hêzên xwe ji bo piştevanîkirina pêkhateya herêmê kom bikin û emê hewlên xwe bo dabînkirina mûçeyên welatiyan bi taybetî yên ku di dema xwe de nayên dayîn, zêdetir bikin û niha jî Serok Bafil ji bo çareserkirina pirsgirêka mûçe çû Bexdayê.”
Berdevkê Yekîtiya Niştimanî ya Kurdistanê Saadî Ehmed Pîre  di daxuyaniyekê de ji bo kanala satelîtê ya Kurdsat News ragihand: Demeke dirêje welatî li benda vê civînê bûn ku her du alî bi asteke bilind beşdar bûn, me di hevdîtinê de red nekir ku di navbera me de pirsgirêk hene û ev zirarê dide welatiyan û armancên hikûmeta Herêma Kurdistanê.
Got jî: Di civînê de xalên hevbeş hatin piştrastkirin û emê di civînên bê de behsa xalên nakok bikin û hemû hewlên xwe bidin ji bo piştgirîkirina pêkhateya Herêma Kurdistanê û dabînkirina mûçeyên karmendan û Serok Bafil Celal Talebanî li Bexdayê ji bo çareser kirina vê pirsgirêkê ye,em ê pirsgirêkan diyar bikin û kar bikin bo çareser kirina wan di civînên yek li pey hev gelek pirsgirêk û kar hatine destnîşan kirin û li ser kar tê kirin.
Pîre  eşkere kir: Di civîna berê ya Mekteba Siyasî ya Yekîtiya Niştimaniya Kurdistanê de, me behsa kar bo cîbicîkirina daxwazên mamostayan kir, daku xwendekar ziyan nebînin û hemû hewlên me jî di vê derbarê de bin.
Berdevkê Yekîtiya Niştimanî ya Kurdistanê amaje bi wê yekê jî kir ku, civîn dê berdewam bin û ji bo çareserkirina pirsgirêkên navxweyî û pirsgirêkên di navbera Herêm û Iraqê de, pêwîst e em ligel aliyên din ên siyasî bicivin  piştî bidawîhatina Kongireya Pênc, me tekezî li ser wê yekê kir ku divê kar ji bo çareserkirina pirsgirêkên xwe bikin.
PUKMEDIA