Talebanî: Nabe aramiya Iraqê bikeve metirsiyê

Ofîsa Qubad Talebanî

Qubad Talebanî û Alina Romanowski

Cîgirê Serokwezîr Qubad Talebanî pêşwaziya Balyoza Amerîka li Iraqê Alina Romanosky kir û di wê hevdîtinê de rewşa ewlehiyê ya navçeyê û çendîn mijarên din ên balkêş gotûbêj kirin.
Di civînê de ku roja 01.11.2023 li Hewlêrê  bi amadebûna Mark Straw Konsulê Giştî yê Amerîkayê hat lidarxistin, rewşa ewlekariya navçeyê hate gotûbêjkirin û di vê derbarê de Cîgirê Serokwezîr nîgeraniya xwe li hember îhtîmala zêdekirina aloziyan derbirî û daxwaz ji hikûmeta federal û aliyên Îraqî kir ku bi hestiyarî li hember vê rewşê rawestin û rê nedin ewlekarî û aramiya Îraqê bikeve metirsiyê.
Talebanî her wiha got: "Eger alozî zêdetir bibin dê hemû navçe ziyanê bibîne, lewra civaka navdewletî bi taybetî welatên bibandor li navçeyê bi rêya dîplomasiyê hemû hewlên xwe ji bo kêmkirina aloziyan û nehiştina xirabûna aramiyê li navçeyê bidin."
Her li vê hevdîtinê de rewşa siyasî û aborî ya Herêma Kurdistanê, peywendiyên Herêma Kurdistanê û Bexdayê û çawaniya çareserkirina pirsgirêkên  li pêşiya cîbicîkirina yasaya bûdceyê hatin gotûbêjkirin.
PUKMEDIA