Serok ji şanda xelkê Şingalê re: Çareserkirina pirsgirêkên heyî û vegera awareyan

Medya Serokatiya Komarê

Serokkomar bi heyeteke gelê Şengalê re dicive

Îro sêşem 31.10.2023 li Koşka Bexdayê, cenabê Serokkomar Dr.Ebdul Letîf Cemal Reşîd pêşwaziya şanda kordînasyona pêkhate û hêzên niştimanî Şengalê  kir.
Di hevdîtinê de dosyeya awareyan li welat hate gengeşekirin û birêz Serokkomar  tekezî li ser wê yekê kir ku di zûtirîn dem de ev dosyaya mirovî bi dawî were, bi rêya misogerkirina vegera hemû awareyên ku heta niha di şert û mercên dijwar de di kampên awareyan de dijîn.
Cenabê wî balkişand li ser giringiya hewlên hevbeş ên hemû hêzên siyasî ji bo pêkanîna ewlehî û aramiyê û baştirkirina rewşa jiyanê û xizmetguzariya welatiyan.

Serokkomar  şert û mercên koçberan dişopîne

Birêz Serok bal kişand ser pêwîstiya diyalogê û berdewamiya wê di navbera hemûyan de ji bo giheştina çareseriyên radîkal ji pirsgirêkên heyî re, bi taybetî vegerandina awareyan bo malên xwe, û tekez kir ku serdanên meydanî yên komîta ser bi Serokkomar in ji bo şopandina şert û mercên koçberan û ji bo çareserkirina vê dosyaya mirovahî ya girîng.
Û wî anî ziman ku aramiya ewlehiyê ji bilî pêşkêşkirina xizmetguzariyan, berdewamkirina proseya nûavakirinê, nûavakirina jêrxanê, destpêkirina pirojeyên xizmetguzariyê, û avakirina xaniyan ji bo awareyan berî ku vegerin warên xwe, giringiyeke mezin e, û amaje bi wê yekê jî kir ku bajarê Şingalê tûşî ziyanê ,tundûtûjî û terorîzmê bûye, ku bandorek neyînî li gelek warên jiyana aborî û xizmetguzariyê kir.

Çalakirina Fona Şengalê

Ji aliyê xwe ve endamên şandê balkişandina birêz Serok ji bo dosyeya koçberan bilind nirxand, herwiha şanda mêvan behsa êş û azarên wan û astengiyên li pêşiya vegera wan bo mal û bajarên xwe, di warê xizmetguzariyê de, çalakkirina Fona avakirina Şingalê kirin, dayîna tezmînat ji bo kesên ku bandor bûne, peydakirina xaniyên guncaw ji bo vegera wan û aktîvkirina rola rêxistinên Neteweyên Yekbûyî di vî warî de.
PUKMEDIA