Serok Bafil: Bihêzkirina hevkariyê di navbera dezgehên ewlehiyê de

Nivîsgeha rojamevanî yê serok Bafil

Serok Bafil

Serokê Yekîtiya Niştimanî ya Kurdistanê Bafil Celal Talebanî li Silêmaniyê serdana baregeha Rêveberiya Operasyonên Dezgeha Asayîşê li Herêma Kurdistanê kir û li wir ji aliyê Rêveberê Operasyonên Serxîl Kemal û hejmarek efser û pilebilind ve hat pêşwazîkirin.

Di hevdîtinê de Serok Bafil Celal Talebanî guhdariya raporteke berfireh li ser xebat û çalakiyên berdewam yên birêveberiya ji bo parastina ewlekarî û aramiya deverê kir û spasî û pêzanînên xwe pêşkêşî rêveber û hêzên operasiyona asayîşê kir ji bo berdewamiya xebata wan bo parastina aramiya Herêma Kurdistanê û got: Hewldanên we yên rûbirûbûna terorê û çalakiyên we yên berdewam bo arastina can û mal û milkê welatiyan û peydakirina jiyaneke aram cihê şanaziyê ye û em bi hemû rêz lê dinirin.
Di derbarê rewşa ewlekarî û metirsiya paşmahiyên rêxistina terorîst a DAIŞê de, Serok Bafil Celal Talebanî ji amadebûyan re behsa bernameyeke nû ya pêkanîna operasyonên leşkerî kir û daxwaza berfirehkirina hevkarî û hemahengiya di navbera dezgehên ewlekarî û îstixbaratî li navçe û Êraqê kir, û tekez kir ku ev pêngav faktoreke girîng e ji bo zêdekirina ewlehî û aramiyê.
Di beşeke din ya vê hevdîtinê de Serok Bafil ferman da hêzên operasiyonê ku li hember her hewleke ku ji bo metirsiyan û têkbirina asayîşê be rawestin û got: Jiyan û ewlekariya welatiyan karê we yê sereke ye, divê hemû hewlên we di vî warî de bin û em jî dê piştevaniya we bikin .


PUKMEDIA