Bi fermana Qubad Talebanî zevî bi ser girtiyên siyasî de tên dabeşkirin

PUKMEDIA

Şarwaniya Silêmanî

Bi fermana cîgirê Serokê Hikûmeta Herêma Kurdistanê Qubad Talebanî îro 416 perçe zevî li girtiyên siyasî tên dabeşkirin.

Rêveberê Giştî yê Xizmetên malbatên Şehîdan û Girtiyên Siyasî li Wezareta Karûbarên Şehîdan Ehmed Mam Resûl ji malpera fermî ya Yekîtiya Niştimanî ya Kurdistanê PUKMEDIA re ragihand: “Di sala 2018’an de Cîgirê Serokwezîr Qubad Talebanî ferman da ku li hemû bajar û bajarokên Herêma Kurdistanê 11 hezar û 101 erd li ser xizmên şehîd û girtiyên siyasî were dabeşkirin.
Got jî: Li hola çandê ya bajarê Silêmaniyê navên girtiyên siyasî ji aliyê komîteyeke taybet ve hat ragihandin û bal kişand ser wê yekê ku li parêzgeha Silêmaniyê hezar û 100 erd ji bo dabeşkirina li ser girtiyên siyasî hatine amadekirin û danûstandina 416 girtiyên siyasî bi dawî bûne û wê îro erdên xwe werbigrin.
Wî jêderî amaje bi wê yekê jî kir ku, gelek girtiyên siyasî û malbatên şehîdan ji biryara Qubad Talebanî sûd wergirtin û zeviyên xwe di nav sînorên rêveberiyên Germiyan û Raperîn de wergirtin.

PUKMEDIA