Bi hewlê YNKê ji bo windayên Helebce komîteyek hat avakirin

PUKMEDIA

Cîgirê Wezîrê Derve û Çiro Hama Şerîf

Fraksiyona Yekîtiya Niştimanî ya Kurdistanê (YNK) li Parlamentoya Iraqê komîteyek taybet bo lêkolîna dosyeya windabûna zarokên Helebce pêk anî. Komîte dê di demek nêzîk de serdana Komara Îslamî ya Îranê bike û dê bi awayekî cidî li ser dosyeyê lêkolînê bike.
Parlamenterê Fraksiyona Yekîtiya Niştimanî ya Kurdistanê (YNK) li Parlamentoya Iraqê Çiro Hama Şerîf ji PUKMEDIA yê  re ragihand:’’ "Fraksiyona YNKê li Parlamentoya Iraqê dê di demek nêzîk de komîteyekî bi serokatiya cîgirê wezîrê derve li ser dosyeya windabûna zarokên Helebce ku 120 zarok in abva bike û heta niha li Îranê ne û venegeriyane Herêma Kurdistanê."
Endamê parlamentoya Iraqê dibêje: "Komîteyê dê ji balyoz Omer Barzancî, Cîgirê Wezîrê Derve, nûnerê parêzgeha Helebce, nûnerê zarokên winda û Çiro  Hama Şerîf pêk were. Her wiha dê komîte serdana nexweşxaneyên Îranê jî bike ku zarokên winda piştî êrişa kîmyayî li wan hatine ragirtin û dê bi awayekî cidî li ser dosyeyê lêkolînê bikin." 
Çiro Hama Şerîf spasiya Balyozê Omer Barzancî, Cîgirê Wezîrê Derve yê Iraqê kir, ji bo alîkarî û piştgiriya  wan  ji bo dosyeya windakirina zarokên Helebce.
Piştî kîmyabarana Helebce di 16-3-1988 de, ku bû sedema zêdetir ji 5000 şehîd û zêdetir ji 10,000 hemwelatiyên birîndar, koçberkirina rûniştvanên Helebce û windakirina gelek zarokên bajêr ku heta niha venegeriyane malên xwe ku 35 sal derbaz bûye.Bi hewlê  Yekîtiya Niştimanî ya Kurdistanê (YNK) komîteyek ji bo lêkolînkirina dosyeyê û veguhestina zarokên wenda ligel malbatên wan ava dike.
PUKMEDIA