Serok Komar ji bo beşdarî dîdara Xwarinê ya Cîhanê bibe diçe Îtalyayê

PUKMEDIA

Serokkomarê Êraq

Serok Komarê Dr.Ebdul Letîf Cemal Reşîd îro yekşemî 15.10.2023ê bi serdaneke fermî ber bi Îtalyayê ve çû.

Serdana cenabê Serok Komar ji bo Romayê tê ji bo beşdariyê di Ddara Cîhanî ya Xwarinê de ku ji aliyê Rêxistina xwerin û Çandiniyê ve hatiye birêxistinkirin û ligel cenabê Wezîrê Çandiniyê Dr. Ebas Cebir Alyawî û edamê encumena nûneran Cebar Ferîh Ebas û hejmarek ji berpirsan.

Duh 14.10.2023ê li Bexdayê, cenabê Serok Komarê Dr. Ebdulletîf Cemal Reşîd pêşwaziya Balyozê Îtalya li Êraqê Maurizio Cricanti kir û di hevdîtinê de bal kişand ser kûrahiya peywendiyan ku her du welatên dost lihev kom dike û pêwîstiya bihêzkirin û pêşxistina wan bi awayekî ku berjewendiyên hevbeş ên her du gelên Êraqî bidest bixin.

Herwiha behsa beşdariya Serokê Komarê di Kongreya Cîhanî ya Xwarinê de li Romayê hat kirin, ji bilî hevdîtina cenabê wî ligel cenabê Serok Komarê Îtalya birêz Sergio Mattrella Rêvebira Bernameya Xwarinê ya Cîhanî xanim Cindy Hensley McCain, û Rêvebirê Giştî yê Rêxistina xwerek û Çandiniyê birêz Qu Dongyu, li wir cenabê wî tekezî li ser giringiya kongreyê kir ku di dema niha de tê lidarxistin ji ber ku cîhan rûbirûyê çendîn kêşeyan e di mijara xwarin û avê de. pêwîstî bi yekkirina hewildanên navdewletî heye ji bo baştirkirina rêveberiya avê û şerê birçîbûn û hejariyê.
Ji aliyê xwe ve Balyozê Îtalya tekezî li ser girîngiya mezin ji bo beşdarbûna Serok Komarê di karên dîdara Cîhanî ya Xwarinê de, ku alîkariyeke bibandor e ji bo pêkanîna pilanên berferehtir ji bo bidestxistina ewlehiya xwarinê ya cîhanî.


PUKMEDIA