Serok Bafil: Têkoşerên me dê piştgiriya me bikin ku em bigihin armancên bilind

PUKMEDIA

Serokê YNK’ê serdana têkoşeran dike

Serokê Yekîtiya Niştimanî ya Kurdistanê (YNK) Bafil Celal Talebanî, li gel berpirsê Encûmena Berjewendiyên Bilind ê YNKê Şêx Cefer Şêx Mistefa, endamê desteya damezirîner Omer Şêxmûs, Dilêr Seyîd Mecîd ,Emad Ehmed endamanê Mekteba Siyasî û Berdevkê YNK'ê Saadî Ehmed Pîra li Silêmaniyê serdana   serkirde û têkoşerên navdar ên YNK û Kurdistanê hevalan Hakim Qadir Hemecan, Hemîd Hacî Xelî, Ednan Hema Mîna û Letîf Şêx Omer kirin.
Di civînan de Serok Bafil Celal Talebanî amaje bi siyaset û stratejiya nû ya YNKê kir ku xizmetkirina xelkê, bihêzkirina pêgeha herêmê, parastina berjewendiyên netewî û parastina yekrêziya nav YNKê ye. Wî got ku siyaseta aqilane ya Serok Mam Celal dê bibe rêber û rênîşandarê  me û sûdwergirtina ji ezmûna dewlemend a yên têkoşerên me dê piştgirî û alîkarîya me bike di gihandina van armancên bilind de.
Di civînan de, gotûbêjên dewlemend li ser bihêzkirina YNKê û bidest xistina armancên bilind hatin kirin û Serok Bafil got, hûn di dema borî de stûna vê partiyê bûn û em piştrast in ku hûnê bi heman ruhî li ser parastina yekîtiya xwe berdewam bin û ji bo bidestxistina berjewendiyên herî bilind xebat bikin.
PUKMEDIA