Bafil Celal Talebanî wekû serokê Yekîtiya Niştimanî ya Kurdistanê hat hilbijartin

PUKMEDIA

Serok Bafil Celal Talebanî

Pêncemîn kongreya Yekîtiya Niştimanî ya Kurdistanê (YNK) piştî navberekê dîsa dest pê kir û Bafil Celal Talebanî careke din bi hemû dengan  bû Serokê Yekîtiya Niştimanî ya Kurdistanê (YNK).
Pêncemîn kongreya Yekîtiya Niştimaniya Kurdistanê (YNK) îro pêş  nîvro li bajarê Silêmaniyê dest pê kir û piştî navberekî nîvrojê rêzdar Bafeil Celal Talebanî careke din wek serokê Yekîtiya Niştimanî ya Kurdistanê (YNK) hat hilbijartin.

Di kongreya pêncem de her îro  Kosret Resûl Elî û Hêro Îbrahîm Ehmed weke sembolên bilind ên YNKê hatin binavkirin.
Profîla Serok Bafil Celal Talabanî
Bafil Celal Hisameddîn Talebanî di sala 1973an de li Bexdayê ji dayîk bûye.
Bafel Celal Talebanî kurê mezin ê Serok  Celal Talebanî û Hêro Îbrahîm Ehmed û birayê Qubad Talebanî ye, navê wê ji Bafila  Çemê Rêzan  hatiye lê kirin ,zarokatî û xortaniya xwe li mala bapîrê xwe Îbraîm Ehmedî li Brîtanyayê derbas kiriye û piraniya xortaniya xwe bi xwendin û werzişê derbas kiriye.
Bafil Celal Talebanî berpirsê sekreteriya Serok Talebanî bû, di sala 1996ê de beşdarî perwerdeya Korpusa Fransî bû, di sala 1998an de beşdarî perwerdeya leşkerî ya Brîtanyayê bû û di sala 2000ê de jî beşdarî perwerdeya hêzên taybet ên Amerîkayê bû.
Bafel Celal Talebanî stratejiya siyasî li Amerîka û Brîtanya xwendiye û piştre dezgeha dije-terorê ava kiriye û berpirsê karûbarên dije-terorê li Kurdistanê bûye. Piştî koça dawî ya Serok Mam Celal, Bafil Talebanî ji her demê zêdetir xuya bû û ji bo yekxistina YNKê kar kir û dengên nerazîbûnê li nav YNK û derveyê YNKê li aştî kir.
Di destnîşankirina serokomarê Iraqê de rola wî hebû, heta kongreya çarem di nav YNKê de ti post nebû û her li ew kongreya de li 18ê Sibata 2020ê de bi piraniya endamên encûmena serkirdatiya YNKê wek hevserokê YNKê hat hilbijartin. Roja 28.8.2022 encûmena serkirdatiyê Bafil Celal Talebanî bi Serokê Yekîtiya Niştimanî ya Kurdistanê (YNK) hilbijart.
Di dema serokatiya xwe de roleke girîng di yekxistina rêzên YNKê de, bihêzkirina pêgeha wê li Herem , Iraq û navçeyê hebû. Serok Bafil weke serkirdeyekî bi bandor li welat di sala borî de herî zêde civîn û tevgerên siyasî pêk anî.
Îro 27.09.2023 an ,di kongreya pêncemîn ya Yekîtiya Niştimanî ya Kurdistanê (YNK) de Bafil Celal Talebanî careke din weke Serokê Yekîtiya Niştimanî ya Kurdistanê (YNK) hat hilbijartin.
PUKMEDIA