Kadroyên navend û ofîsan nûnerên xwe ji bo konferansa pêncemîn hildibijêrin

PUKMEDIA

çalakiyên konferansa pêncemîn

Îro pêncşemê di çarçoveya amadekariyên berdewam yên ji bo lidarxistina pêncemîn konferansa Yekîtiya Niştimanî ya Kurdistanê de, çalakiyên konferansên ofîs û navendên Yekîtiya Niştimanî dest pê kir.

Berdevkê pêncemîn kongireya Yekîtiya Niştimanî ya Kurdistanê Telar Letîf ji PUKMEDIA re ragihand: Di çarçoveya amadekariyên berdewam yên ji bo lidarxistina pêncemîn konferansa Yekîtiya Niştimanî, kar û çalakiyên konferansên ofîs û navendan dest pê kir.
Wê got jî: proseya hilbijartinan demjimêr 8ê sibê dest pê kir û wê di demjimêr 4ê piştî nîvro bi dawî tê di heyama proseyeke demokratî bo hilbijartina endamên kongireya pêncem, ku lîsteya dengderan û berbijaran di heyama du rojên borî de li ofîsên navendî hatibû amadekirin.
Biryar e roja 27.09.2023 Yekîtiya Niştimanî ya Kurdistanê bi beşdariya 600 endaman li bajarê Silêmaniyê pêncemîn konferansa xwe lidar bixe.
Wê diyar kir: Hejmara dengderan di navendên rêxistina Yekîtiya Niştimanî de 2495 endam in û 175 endam ji bo beşdariya di kongireya pêncem de hildibijêrin, û hejmara dengderan di ofîsên Yekîtiya Niştimanî de 779 endam e ji bo hilbijartina 85 endaman ji bo beşdariyê di kongreyê de.

Ji aliyê xwe ve Berpirsê Nivîsîngeha Ragihandina Yekîtiya Niştimaniya Kurdistanê Stran Ebdullah ragihand: Di çarçoveya amadekariyên berdewam yên ji bo lidarxistina kongireya pêncem, çalakiyên konferansên navend û ofîsên Yekîtiya Niştimanî ya Kurdistanê dest pê kir û rêheval dê nûnerên xwe ji bo konferansa pêncemîn hilbijêrin.
Got jî: Konferans dê li bajarê Silêmaniyê were lidarxistin û di roja yekem de gelek mêvan beşdar dibin û ev rêbazeke serkeftî ye ji bo nemir serok Mam Celal û dê di rojên mayî de jî berdewam be. Tekez jî kir ku konferans dê di bin dirûşmeya nûkirina kar û xebatê... yekdengî di biryarê de were lidarxistin û dê guhertin di platforma partiyê û hejmara endamên Encûmena Serkirdayetiyê de bê kirin.

PUKMEDIA