Talebanî: Êrîşa li ser firokexaneya Erbet binpêkirina eşkere ya serweriya Iraqê ye

Ofîsa Cîgirê Serokwezîr

Talebanî pêşwaziya şandeke leşkerî ya Almanyayê kir

Di hevdîtinê de ku roja Çarşemî 20ê Îlona 2023 li bajarê Hewlêrê Qubad Talebanî Cîgirê Serokwezîrê Herêma Kurdistanê pêşwaziya şandeke serbazî ya Almanyayê bi serokatiya Kolonel Polinker Fermandeyê Hêzên Almaniya li Herêma Kurdistanê bi amadebûna Benjamin Hanna, bi wekalet Konsulê Giştî yê Almanyayê şanda Almanyayê ji ber şehîdbûna 3 pêşmergeyan hevxemiya xwe ji Qubad Talebanî û hêzên dije terorê re ragihand û êrîşa li ser Firokexaneya Arbet a Çandiniyê ya Silêmaniyê bi tundî şermezar kir.
Di vê çarçoveyê de Qubad Talebanî eşkere kir ku êrîşa li ser Firokexaneya Çandiniyê ya Erbet destpêkeke metirsîdare û binpêkirina eşkere ya serweriya Îraqê ye, ji ber ku hêzeke nîzamî ya fermî ya Kurd a Îraqî kire armanc, û gotegotên pûç yên aliyê êrîşkar red kirin, ji ber ku piraniya wan şehîdên ku di êrîşê de şehîd bûne, ji hêzên qehreman ên Pêşmergeyên Kurdistanê ne û  şervanên hêzên dije-terorê.
Cîgirê Serokwezîrê Herêma Kurdistanê tekezî li ser wê yekê kir ku, ji bilî hêzên dije-terorê li Kurdistanê ti hêzeke din li firokexaneyê nemaye û daxwaz ji hikûmeta federal û hevpeymanan jî kir, ku gavên cidî yên pratîkî ji bo rêgirtin li dûbarebûna wê yekê bavêjin ku ev  êrîşên binpêkirina serweriya xaka Iraq û Herêma Kurdistanê ye.”
Li beşekî dinê vê hevdîtinê de, her du alî behsa çaksaziyên di Wezareta Pêşmerge de kirin û Cîgirê Serokwezîr diyar kir ku, ji ber valabûna postê Wezîrê Pêşmerge, reformên di wezaretê de nehatine cîbicîkirin. Li gora ku pêwîst bû, amaje bi wê yekê kir ku wan namzedek ji bo dagirtina postê ajansê hilbijartiye, bi hêviya ku di zûtirîn dem de were temam kirin proseya çaksaziyê li gor rêya wê ya rast ku ji berê ve hatibû plankirin, were cîbicîkirin.”
Di dawiya civînê de, Qubad Talebanî her wiha hişyarî da ku paşxistina pêngavên çaksaziyê di Wezareta Pêşmerge de dê ziyanê bigihîne pêgeha herêmê û bibe sedema bêbaweriya hêzên hevpeyman û dostên Herêma Kurdistanê.
PUKMEDIA