Sûdanî ji şanda hikûmetê re: Em li ser dîtina çareyên radîkal cidî ne

PUKMEDIA

Şanda Herêmê li Bexdadê

Îro pênşemî 14.9.2023 Serokwezîrê Êraqê Mihemed Şiya El-Sûdanî pêşwaziya Serokwezîrê Herêma Kurdistanê Mesrûr Barzanî û Cîgirê Serokwezîrê Herêma Kurdistanê Qubad Talebanî û şanda li gel kir.

Li gorî daxuyaniya ofîsa ragihandinê ya Serokwezîrê Êraqê, di hevdîtinê de tekezî li ser çareserkirina pirsgirêkên yasayî û darayî yên di navbera hikûmeta federal û hikûmeta herêmê de, li gorî destûr û qanûnê hat kirin."
Serokwezîrê Encumena Wezîran a Federalî li gorî daxuyaniya ofîsa xwe teqez kir, ku nêzîkatiya hikûmeta niha girêdayî prensîba xebatê ye ji bo pêkanîna aramiya herdemî dûrî cudahiyan, û tekezî li ser cidiyeta hikûmetê di dîtina çareseriyên radîkal de ji bo rûbirûbûna pirsgirêkên Herêma Kurdistanê kir.  û balkişand li ser wê yekê ku hikûmetê kar kiriye û niha jî kar dike ji bo ku bandor li ser Pêdiviyên jiyaneke minasib ji bo hemwelatiyên Êraqê û di nav de hemwelatiyên herêmê, bêyî ti pirsgirêkek yasayî û îdarî.

Şanda pilebilind a hikûmeta Herêma Kurdistanê îro danê sibê giheşte paytexta Bexdayê û li gel hikûmeta federal derbarê pişka Herêma Kurdistanê ji bûdceya federalî gotûbêj kir.

Berdevkê Cîgirê Serokwezîrê Herêma Kurdistanê Semîr Hewramî ji malpera fermî ya Yekîtiya Niştimanî ya Kurdistanê PUKMEDIA re ragihand: Şanda pilebilind a Hikûmeta Herêma Kurdistanê ji Mesrûr Barzanî Serokwezîrê Kurdistanê, Qubad Talebanî Cîgirê Serokwezîrê Herêma Kurdistanê, Awat Şêx Cenab Wezîrê Darayî û Omêd Sebah Serokê serokê dîwana serokatiyê û Amanc Rehîm Sekreterê Encûmena Wezîrên Herêma Kurdistanê.

Got jî: Şanda bilind dê li gel berpirsên hikûmeta federalî pirsa pişka herêma Kurdistanê ji bûdceya federalî gotûbêj bike.

PUKMEDIA