Rojnamevanekî nêzîkî PDK: Yên ku Kerkûk bicih hîştibûn tirsonek bûn

Kurdistan 01:41 PM - 2023-09-13

Kerkûk

Nivîskar û rojnamevanekî nêzîkî Partiya Demokrat a Kurdistanê (PDK) dibêje: “Partiya ku beriya niha ji Kerkûkê derketibû di wê baweriyê de bûn ku hatiye dagîrkirin û nabe beşdarî hilbijartinaên wê parizgehê bibe û ji bo posta serokkomar û wezîrê derve şer bike.
 Endamekî Mekteba Siyasî ê Yekîtî dibêje: Xelkê Kerkûkê dilsozê YNKê ne û dizanin ku di dema aloziyan de tenê YNK bûye piştek ji wan re, ji ber wê jî helwesta YNKê ji bîr nakin.

Yên li Kerkûkê mane qehreman in

Nivîskar û rojnamevanê nêzîkî Partiya Demokrata Kurdistanê Kawêz Mela Perwêz derbarê bûyerên 16ê Cotmehê û hilbijartinên encumenên parêzgehan de got;“Her aliyek ku bawer bike Kerkûk hatiye dagîrkirin, bila beşdarî hilbijartinên Kerkûkê nebe û bibe beşek ji hikûmeta ku di wê baweriyê de ye Kerkûk hatiye dagîrkirin.
" Partiya ku Kerkûkê bi dagîr dizane,nabe şerê posta serokkomarî û wezîrê derve bike."
Got jî: Her Kurdek, her siyasetmedarek ku piştî 16ê Cotmehê li Kerkûkê mabe, qehreman e û yên ji Kerkûkê derketin jî tirsonek bûn.
Berê Mesûd Barzanî ku serokê Herêma Kurdistanê bû razî nedibû ku nîvê Kerkûkê bimîne, lê niha em şanaziyê bi wê yekê dikin ku baregeheke me li Kerkûkê heye.

 Kerkûkî dibin şahidê qurbaniyên YNKê

Xelkê Kerkûkê dibin şahidê qurbanîdana YNKê ji bo wî bajarî, piştî bûyerên 16ê Cotmehê YNKê ji bajêr derneket û biryar da ku li cem xelkê Kerkûkê bimîne.

Kargêrî Mekteba Siyasî ya Yekîtiya Niştimanî ya Kurdistanê Aso Mamend ji PUKMEDIA re ragihand:“Di 3 salên şerê li dijî DAIŞê de, fermande, kadro, Pêşmerge û rêxistinên YNKê li eniyên şer bûn piştgirê Kerkûkê bûn. DAIŞ tenê yek kîlometre dûrî me bû, ji ber wê jî xelkê Kerkûkê û şehîdên me wê şahidiyê dikin ku di dema bûyerên referandomê û 16ê Cotmehê de me biryar da ku em li cem gelê xwe bin”.

“Di sala 2018’an de dema hilbijartinên Parlamentoya Êraqê hatin kirin, PDK’ê li Kerkûkê beşdarî hilbijartinan nebû û ji bo pêkhateyên din ên Kerkûkê derket qadan. Xweşbextane YNKê dengên baş bidest xist û îspat kir ku Kurd li Kerkûkê pirin, lê PDK beşdarî hilbijartinên parlemantoya 2021ê bû bêyî ku rewş bê guhertin, lewra em dibêjin em dikarin rûbirûyê nedadiyê bibin  lê nabe qada siyasî li Kerkûkê bê valakirin.”

PUKMEDIA