Hikûmeta Federal: Me erkên xwe yên darayî bi cih anîne lê herêmê na

PUKMEDIA

Logoya hikûmetên Êraq û Herêmê

Peyvdarê hikûmeta Êraqê dupat kir ku hikûmeta federal bi temamî erkên xwe yên darayî yên li hember herêma Kurdistanê cîbicî kirine û dîyar kir jî hikûmeta Herêmê dahata petrolê û neftê radest nekiriye.

Peyvdarê hikûmeta federalî Besim El-Ewadî îro Înê 08.09.2023ê di platforma “X” de, ku PUKMEDIA dişopand de got: “Hikûmeta federal bi tevahî erkên xwe yên darayî yên li hember Kurdistanê cîbicî kirine û ji bo peydakirina çareseriyan gelek hewl daye” û bal kişand ku “heta dawiya meha Hezîranê de, pereyên ku herêmê deyndar bûn, li gorî lêçûnên dewletê, ji sê qatan zêdetir para herêmê bû. Hikûmeta Herêmê wek yasaya budceya federalî dahatên neftê û ne neftê radestî wan nekir.”
Peyvdar her wiha got: “Tevî ku hikûmeta herêmê pabend nebûye, lê hikûmeta federal biryar da ku welatiyên Êraqî yên li herêmê berpirs nebin ji ber cîbicîkirina binpêkirinan, û me li gor yasayê kar kir û me biryarek li civata wezîran da deyn bidin herêmê heta ku pirsgirêkên wê yên aborî bi awayekî bingehîn çareser bibin."
El-Awadî tekez kir ku "Hikûmeta Federal bi qasî mafên welatiyan li parêzgehên din baldare ji mafên welatiyan re, û pabendbûna bi yasa û rêkeftinên federalî yên ku li gorî destûrê hatine encamdan rêya herî kurt e ji bo bidestxistina mafên welatiyan û zêdekirina pêbaweriyê."

Ev yek di bersiva Serokwezîrê Herêma Kurdistanê Mesrûr Barzanî de ye ku duh Pêncşemê di daxuyaniyekê de li ser malpera “X”ê ragihandibû: “Nexwestina Bexdayê ji şandina mûçeyên me yên di bûdceya giştî ya federalî de hatiye piştrastkirin, binpêkirina peymanên destûrî ye.
  Mesrûr Barzanî balkişand li ser wê yekê ku neşandina pereyên Herêma Kurdistanê ziyanê digihîne welatiyên me û kêmkirina baweriyê dide Herêma Kurdistanê û diyar kir ku Herêma Kurdistanê di heyama 3 mehan de %0 ji darayiya xwe wergirtiye.

PUKMEDIA