Şehîdên Kerkêkê hevalên yekîtî ne

PUKMEDIA

Wêneyên şehîdan

Hejmara şehîdên bûyera nexwestî ya Kerkûkê û aloziyan gihişte çar şehîdan, ku hemû heval û têkoşerên Yekîtiya Niştimanî ya Kurdistanê ne, sedema aloziyan nakokiyên siyasî û şerê li ser baregehên partiyan e û tiliya tometbarê jî li ser Partiya Demokrata Kurdistanê (PDK) ye.

Li gor zanyariyên ku ketine destê PUKMEDÎAyê ku ciwanekî din jî şehîd bûye, bi vê yekê di encamê de 4 şehîd û 15 birîndar hene.
Serokê Yekîtiya Niştimanî ya Kurdistanê Bafil Celal Talebanî derbarê aloziyên li Kerkûkê de peyamek belav kir û got: “Kerkûkiya me ya  serbilind hêjayî rêzgirtineke bêsînor û xizmeteke girîng in, nabe ji bo çareserkirina pirsgirêkên siyasî were bikaranîn.

Bafil Talebanê got, "Em qebûl nakin xwîna ciwanên me bê rijandin û li ser navê hestên neteweyî bi qeder û canê wan were lîstin." 
 Ji aliyê din ve Serokê Yekîtiya Niştimanî ya Kurdistanê Bafil Celal Talebanî bi rêya telefonê bi Serokwezîrê Êraqê Mihemed Şiya Sûdanî re li hev kirk u di derbarê sedemên pevçûnan û şehîdbûn û birîndarbûna çend xortên Kurd de divê lêkolînek berfireh bê kirin.

Herweha Serok Bafil daxwaz kir: “Divê berpirsyarên şehîdkirin û birîndarkirina ciwanên Kurd bên darizandin.
Mekteba Siyasî ya Yekîtiya Niştimanî ya Kurdistanê bi daxuyaniyekê ragihand: “Rewşa aloz a Kerkûkê ji ber şer û pevçûnên li ser baregehên partiyan û nakokiyên di navbera hêzên siyasî yên Kerkûkê de, berdewam bûye û gihiştiye şer û pevçûn û şehîd û birîndaran, ku bûne qurbaniyên xemsariya siyasî û niştimanî.

Kargêrê Mekteba Siyasî ya Yekîtiya Niştimanî ya Kurdistanê Aso Mamend derbarê  xwepêşandan û rewşa Kerkûkê ya aloz de got:  “Mixabin pirsgirêka baregeheke Partî li Kerkûkê bû sedema xwepêşandanan û ev çend roj in em hewl didin vê pirsgirêkê çareser bikin. "Bergehek ne şayenî nakokiyên di navbera Kurd û Ereban de ye, ku mixabin di encamê de gelek şehîd û birîndar hene."


PUKMEDIA