PDK bi rêya hikûmeta xwe ya têkçûyî hewl dide pirsgirêka li Kerkûkê derxe

PUKMEDIA

Kerkûk

Malbenda {2} Rêkxistinên Kerkûkê ya Yekîtiya Niştimanî ya Kurdistanê tekez kir, ku çend roj berê Partiya Demokrata Kurdistanê ligel aliyên şovenîst ên Kerkûkê bi qest û bi senaryoyên cuda, pirsgirêk û kirîz ji bo welatiyên Kerkûkê çêdike.
Di daxuyaniya Malbenda  duyemîn a Yekîtiya Niştimani ya Kurdistanê ya Kerkûkê ku nusxeyek ji PUKMEDÎA’yê re hatiye şandin, wiha hat gotin: “Tevî ku em li dijî girtina rêya serekî ya Kerkûk-Hewlêrê ne, lê me bi gelek hewlên cidî daye bi rêyên siyasî û dîplomasî û me her sê serokatiyên Iraqê ji rewşê agahdar kirine ku rê li ber vekirina pirsgirêkan bi diyalog û jihevtêgihiştinê vekin û di xizmeta hemwelatiyên Kerkûkê de bin.
Di daxuyaniyê de ji bo girseya Kerkûkê û raya giştî gelek rastiyan ronî kirin û wiha hat gotin: “Partî  bi rêya hikûmeta têkçûyî û dictator ya herêmê hewl dide ku qeyranan derxîne li   Kerkûkê, bi taybetî piştî ku eşkere bû ku hemû beşdarên Xwepêşandan ji Hewlêrê tên û armanca wan ew e ku pirsgirêk û alozî di navbera pêkhateyên bajêr de çêkin.” Lê xelkê Kerkûkê hişiyarin bi hemû netewe û pêkhateyên xwe yên xwecihî hay ji niyeta xirabkaran heye û baş têdigihin.
Navenda Rêkxistinên Kerkûkê di berdewamiya daxuyaniya xwe de wiha got: “Pirsgirêka Partî  û hevalbendên wî yên ji aliyên şovenîst ên ereb û tirkmen  ne vekirina baregehên wê ye, ji ber ku baregehên liq û komîteyên wê partiyê li Kerkûkê hatine valakirin, lê ew bi mebest li wan venagere û bi vê argumentê dixwazin aştiya civakî ya li Kerkûkê sabote bikin."
Di daxuyaniyê de wiha hat gotin: “Em hemû kesî piştrast dikin ku aramî û xweşiya welatiyên me xeta sor e û em ê bi hemû hêza xwe ji bo çareserkirina pirsgirêkan bikin û rê nedin pêkanîna ajanda û niyeta xirabkaran pirsgirêk û alozî li ser bajarê me derxin."
PUKMEDIA