Çareserkirina pirsgirêkên navbera Herêma Kurdistanê û Bexdayê de

Medya Serokatiya Komarê

Serokkomar bi hejmarek ji rayedarên Kurd re dicive

Birêz Serokkomar Dr. Ebdulletîf Cemal Reşîd duh  yekşeme li Koşka Bexdayê civînek pêk anî  ku tê de cîgirê serokwezîr, wezîrê derve Fuad Husên ,nûnerê serokê herêma Kurdistanê Fares Îsa û jimarek cîgirên wezîr, rawêjkar, û birêvebirên giştî yên kurd amede bûn.
Li gor daxuyaniya Ofîsa Ragihandinê ya Serokatiya Komarê, di civînê de rewşa giştî ya welat û pêşhatên wê hatin gotûbêjkirin û cenabê wî tekez li ser pêwîstiya karekî baş ji bo xizmetkirina saziyên hikûmetê û bihêzkirina peywendiyan di navbera hikûmeta federal û hikûmeta herêma Kurdistanê de kir.
Her wiha cenabê wî daxwaz kir ku pirsgirêkên di navbera Bexda û herêmê di çarçoveya destûr û yasayê de bên çareserkirin, mûçeyên karmendên hikûmeta herêmê bê dayîn û kar ji bo bihêzkirina ewlehî û aramiyê li welat berdewam be ji ber ku bandora wê li ser başkirina xizmetguzariyê heye  û her wiha têkez kir ku  şert û mercên jiyana welatiyan bi rêya nûjenkirina binesaziyê û piştgiriya veberhênan û sektora taybet pêk bê.
Serok Ebdulletîf Cemal Reşîd tekezî li ser giringiya karkirina berdewam ji bo pesendkirina proje yasayên ku ji civata nûneran re tên şandin, bi taybetî jî proje yasaya veguhertina bajarê Helebce bo parêzgeh, proje yasaya encûmena federalî ya  neftê  û gazê, û rakirina biryarên Encûmena Serkirdayetiya Şoreşê ya hilweşiyayî kir.
  Wezîrê Derve Fûad Husên di berdewamiya axaftinên xwe de behsa girîngtirîn pirsgirêka  heyî yên di navbera Hikûmeta Federal û Herêma Kurdistanê de kir û hêvî xwest ku çareseriyeke radîkal ji bo wan pirsgirêkan were dîtin.
Her wiha hejmarek ji amadebûyan li ser pêwîstiya berdewamiya diyaloga avaker û bi bandor ji bo çareserkirina pirsgirêkên hilawîstî di navbera hikûmeta federal û Herêma Kurdistanê de li gor destûr û yasayan, bi awayekî ku mafên hemû hevwelatiyan bê garantîkirin û bigihêje daxwazên wan kirin.
Di civînê de amadebûyan spasiyên xwe ji bo Serokkomar û têbîniyên wî yên hêja û dilgiraniya xwe ji bo bihêzkirina yekrêziya niştimanî di navbera gelên Iraqê de nîşan dan.
PUKMEDIA