Serok Bafil xwendekarên yekem ên Kerkûkê xelat dike

PUKMEDIA

Hevdîtinên Serok Bafil Celal Talebanî

Serokê Yekîtiya Niştimanî ya Kurdistanê (YNK) Bafil Celal Talebanî şagirtên yekem ên pola 12 ya amadeyî ya bajarê Kerkûkê di merasîmekî  fermî  de xelat kirin.
Serok Bafil Celal Talebanî di axaftina xwe de hewl û keda xwendekarên serkeftî bilind nirxand û bi boneya derçûna wan pîrozbahî li wan kir.“Hûn mezintirîn sermayeya vî welatî ne û em li hêviya pêşeroja we ya geş in, îro ez şanaziyê bi we dikim ku bê westan û enerjiya we ez bawer im, pêşeroja Kerkûkê dê bi we ve geştir bibe.’’
Serok Bafil di axaftina xwe de destxweşî li mamostayên Kerkûkê kir û got, em rola mamostayên ku li Kerkûkê pêşdebirina perwerdeya Kurdî kirine, bilind dinirxînin, em dilsozî û keda we ji bîr nakin.Em ê xebatên xwe bidomînin da ku jiyanek çêtir ji we re peyda bikin.
Di merasîmê de li ser mijara perwerde ,perwerdeya kurdî li Kerkûkê û bidestanîna mafên pîşeyî yên xwendekaran gotûbêjeke vekirî hate kirin. Serok Bafil piştgiriya YNKê dûpat kir  û got ku pêşxistina sektora perwerdeyê karê me ye, ji ber ku di demên borî de me ji nêzîk ve hevkarî û piştgirî dikir, emê di pêşerojê de jî li ser vê yekê berdewam bin.
PUKMEDIA