Bûyereke partiyê rê li ber berdana yek ji girtiyên Badînan digire

PUKMEDIA

Rojnamevan Guhdar Zêbarî

Diviyabû 16ê Tebaxê çalakvan û rojnamevan Gohdar Zêbarî ku yek ji girtiyên Badînan e, ji bo temamkirina cezayê xwe were berdan, lê bi sedema beşdarbûna rêveberê Asayîşa Hewlêrê di çalakiyeke hizbî de, nehat berdan.
Nûnerê Girtiyên Badînan Ayhan Seîd di daxuyaniyekê de ji malpera fermî ya Yekîtiya Niştimanî ya Kurdistanê PUKMEDIA re ragihand: “Nêzîkî 48 saet bi ser roja azadkirina çalakvan û rojnamevan Gohdar Zêbarî re derbas bûye, lê heta niha nehatiye azadkirin û heval û malbata wî jî li benda azadkirina wî ji aliyê Asayîşa Hewlêrê ve ne."
Ayhan Seîd got jî: Şeva borî hejmarek ji heval û hogirên Gohdar bo demekê ji aliyê Asayîşa Hewlêrê ve hatin girtin û li ber  ku benda azadkirina wî bûn û alavên çapemeniyê yên rojnamevanên li wir jî hatin desteserkirin  . Ne azad kirina wî  li  ber  sedema beşdarbûna rêveberê Asayîşa Hewlêrê Barzan Qasab  di merasîmên damezrandina Partiya Demokrat a Kurdistanê de bû , roja azadkirina wî hatiye taloqkirin û hîn pêk nehatiye.
Diviyabû di nîvê meha Adara borî de Gohdar Zêbarî were azadkirin, lê 7 mehên din hat mehkûmkirin, ji ber wê jî tîma parêzerên girtiyên Badînan ev biryar ji bo 5 mehan daxist û diviyabû duh bihata berdan 16.8.2023. 
Dosyaya girtiyên Badînan yek ji wan dosyayên e ku gelek raportên rêxistinên navdewletî derbarê wê de hatine belav kirin, ku hemû jî tekez dikin ku azadiya takekesî û azadiya çapemeniyê di serdema kabîneya hikûmeta nehê de, ku tê de dengên azad bi awayekî berçav hatine astengkirin û  bêdengkirin û PDK li ser navê dadwerî û hikûmetê rojnamevan û çalakvanan dişopîne û ceza dike.
Gohdar Zêbarî yek ji wan çalakvan û rojnamevanan e ku roja 22.10.2022ê li devera Badînan hatibû desteserkirin, hejmarek ji wan hatin azadkirin û heta niha 5 girtî di girtîgehê de li benda bidawîbûna hukmê xwe ne.
PUKMEDIA