YNKê pirsgirêkên welatiyên navçeya Daqûqê çareser dike

PUKMEDIA

Civina Dylan Ghafoor bi Wezîrê Çavkaniyên Avê re

Yekîtiya Niştimanî ya Kurdistanê di Parlamentoyê de pirs û pirsgirêkên  welatiyan dişopîne û ji bo çareser kirina wan kar û xebatan dike.
Nûnerê Yekîtiya Niştimanî ya Kurdistanê  li Parlementoya Iraqê Dylan Xefûr di daxuyaniyeke taybet de ji PUKMEDIA re ragihand: Yekîtiya Niştimanî ya Kurdistanê li Civata Nûneran xem û pirsgirêkên welatiyan dişopîne û li gel dezgehên şareza kar dike bo çareser kirina wan. 
Û wê got jî: Derbarê pirsgirêka xwediyên hewzên masiyan li navçeya Daqûqê li parêzgeha Kerkûkê, me îro li gel birêz Ewn Diab, wezîrê çavkaniyên avê di hikûmeta federal de civiyan, û me bi wî re behsa pirsgirêkên  xwediyên sermayan li navçeya Daqûqê kir.
Wê amaje bi wê yekê jî kir, ku Wezîrê Çavkaniyên Avê biryar daye biryara rakirina hewzên masiyan li navçeya Daqûq heta dawiya îsal rawestîne.
Di heyama dawîn de xwediyên hewzên çandiniya masiyan xwepêşandanek li dijî biryara Wezareta Çavkaniyên Avê ya rakirina golan li dar xistibû, her donim erdek ku dibe hewzên masiyan dikare ji 750 heta 1000 masiyan têde bigire. Cotkarên Daqûqê masiyan biçûk ji bajarê Hilê yê navenda parêzgeha Babilê dikirin û di hewzên mezinkirinê de mezin dikin.
PUKMEDIA