Dijî terrora PDKê êrîşên Welatên derve bo ser Herema Kurdistane rewa dike

Kurdistan 06:33 PM - 2023-08-12

Wesayîta hedef hatiye girtin

Dijî terrora PDKê  derbarê armanckirina otombîlekê li nêzîkî navçeya Nalparez ya ser bi navçeya Pêncwênê de zanyariyên nerast belav kir û ragihand, 3 kesên ku hatine armanckirin endamên Partiya Karkerên Kurdistanê (PKK) bûne. Lê di rastiyê de armanca firokeyên bêfirokevan ên Tirkiyê sivîl û dê û bavên ku keça xwe ji bo xwendinê şandine Îranê bûne hedef, ji ber vê yekê mafê gelê Kurd heye ku bipirse çima Dezgeha Dijî Terorê ya Kurdistanê bûye platforma dezenformasyonan ku xwe Operasyona welatên biyanî li dijî sivîlên kurd rewa dike.?

Malbateke Duhokî li Pêncwênê dibe armanc

Çavkaniyên nûçeyan ragihandin ku duh (11ê Tebaxê) balafireke bêmirov a Tirkiyê li nêzîkî bajarokê Pêncwênê 3 kes kuştin.
Li gor zanyariyên dawî 3 kesên ku di encama bombebaranê de jiyana xwe ji dest dane sivîl û xelkê parêzgeha Duhokê ne. Malbata ku keça wê li Îranê xwendekar bû, ji bo bêhnvedanê vegeriyabûn Duhokê û piştra dê û bavê wê li ser rê bûn ku wê vegerin Îranê.
Nasnameyên qurbaniyan Hesen Ehmed Nozat, hevjîna wî Zîab Mistefa û keça wan Riam Hesen Ehmede  ku li Îranê xwendekar bû, hatin zanîn.

Dijî terrora PDKê  êrîşên Welatên derve  bo ser Herema Kurdistane  rewa dike

Rêveberiya Giştî ya Dijî Terorê ya (Parti)Herêma Kurdistanê duh daxuyaniyek da,li gor daxuyaniya:’’ îro Înê 11.08.2023, demjimêr 15:30, firokeyeke bê firokevan a artêşa Tirkiyê, otomobîleke çekdarên PKKê li nêzîkî navçeya Nalparez ya ser bi navçeya Pêncwênê ya ser bi parêzgeha Silêmaniyê ve kir armanc ku têda rayedarekî payebilind ê PKK, şervanekî din û ajokarê wesayîtê hatin kuştin. ‘’
Lê ya rast di wesayîta şewitî de şopa çekan tune bû, beşek ji Qurana Pîroz şewitî mabû, delîlên eşkere nîşan didin ku hedef sivîl in û ne şervanên partiyek çep in.
Li dewletên serwer de dezgeha dije-terorê ya welatên Şaristanî ji bo parastina ewlekariya xelkê û parastina serweriya welat hatiye avakirin, lê li vir pirs ew e ku gelo Dezgeha Dijî Terorê ya Partî bûye platformek ji bo dezenformasyonê ji bo rewakirina karên Welatê biyanî li dijî welatiyên xwe gelê Kurdistanê.
PUKMEDIA