Serok Bafil: Werin em bi hev re ji bo ax û gelê xwe têbikoşin

Nivîsgeha Ragihandinê ya Serokê YNKê

Serok Bafil pêşwaziya heyeta PDK kir

Serokê Yekîtiya Niştimanî ya Kurdistanê (YNK) Bafil Celal Talebanî li mala Mam li Bexdayê pêşwaziya şandeke bilind a Partiya Demokrata Kurdistanê (PDK) bi serokatiya Fazil Mîranî kir.
Di civînê de rewşa giştî ya Herêma Kurdistanê û pirsgirêkên  navbera Hewlêr û Bexdayê hatin gotûbêjkirin û tekez li ser berdewamiya diyalog û têgihîştina di navbera hemû aliyan de ji bo parastina yekrêziya gelê Kurd û hemû pêngavan bo bidestxistina berjewendiyên bilind hate kirin.
Her li vê hevdîtinê de tekezî li ser dabînkirina mafên herêmê û parastina mafên mûçeyên karmendan hat kirin û her du alî li ser parastina mafên herêmê li ser bingeha destûr û yasaya bûdceyê li hev kirin.
Rewşa ewlekarî ya deverê û çareser kirina pirsgirêkan  mijareke dinê vê hevdîtinê bû û biryar hat dayîn ku ji bo derbaskirina pirsgirêkan û parastina aramiya siyasî, emnî û civakî gavên cidî û pratîk bên avêtin.
Serok Bafil Celal Talebanî tekezî li ser pabendbûna YNKê bo bidawîkirina pirsgirêkên dirustbûyî kir û got:’’ Berdewamiya diyaloga avaker û bihevre karkirina ji bo bidestxistina armancên bilind rêya rast a siyasetê ye û ez hêvîdar im bi hev re dûrî ferz kirina  îrade û jinavbirina hev xwe bigirin,ji bo ax û gelê xwe têbikoşin.”
PUKMEDIA