Di salvegera koça dawî yê Ferman Cebar de

erşîf

Fermande Cebar Ferman

 Fermandarê wêrek yê Banmîl

16 sal berî niha di 9ê Tebaxa 2007ê de, Cebar Ferman fermandarê qehreman û endamê serkirdayetiya Yekîtiya Niştimanî ya Kurdistanê piştî têkoşîneke bêwestan û bi destxistina destkeftên mezin ji bo ax û welatê xwe, bi nexweşiyê koça dawî kir û li Silêmaniyê hat veşartin.

Tomara dîrokê
Dîrok gav bi gav û bêdeng dimeşe, bêyî ku em hay jê bin me hemûyan dixe nîvê rûpelên xwe, ferq û cudahî nake ku ka paşerojê de kî bibe kulîlka serbilindiyê. Her wusa cudahî nake nav wê ku kî ji rêwiyên li ser rêya gîştiye mebest û lûtkeya ronahiyê û kî heta nîvê rê çûye

Û divê em rûpelan li hwmber hev danin, ji ber ku yên ku ber bi paşerojê ve diçin, divê li dîrokê binêrin û ne tenê ew, lê tomarên rabirdûyê bixwe jî werin ber çavan, bi gotineke zelaltir, heya ku jiyan bidome, heya paşerojek hebe, dîrok heye û paşeroj li ser rê ye. Ji ber vê yekê yên li qada jiyanê tên û diçin, neçar dimînin ku di rêyên dîrokê de bimeşin.
  Divê di kolanên dîrokê de bimeşin.

Di sala 1963’an de tevlî siyaset û têkoşîna Kurdeyatî bû û sala 1971’ê de li zanîngeha Mustensiriya ya Bexdayê li Kolêja Zanistî ya Beşa Fîzîkê hate qebûlkirin lê ji ber xebatên siyasî nekarî xwendina xwe ya zanîngehê biseri bike.
Di dema damezrandina YNK 1-6-1975 Ferman tevlî yekîtî bû û baska bingehîn yê partiyê damezrandin,piştre di 1976 `an de di gel hin hevalên xwe hatin girtin û cezaya bidarvekirinê lê xwestin ,lê di 1979 de di encama berxwedanê de serbest hate berdan.
Di şoreşa ku YNK destpêkiribû de xwedî rol bû û navê wî di nav pêşmergeyan de derketibû , sembola berxwedanê bû di oparesyonên Enfal û şerê kîmyawî de. Ji ber jêhatîbûna xwe ya leşkerî, ew di 1992 de wekî berpirsiyarê nivîsgeha leşkerî ya Yekîtiya Niştimanî ya Kurdistanê hat destnîşankirin, û piştî hilbijartinên Gulan 1992 bû wezîrê pêşmerge li Hikûmeta Herêma Kurdistanê Piştî wê postên cude di hikûmetê de bidestxistibûn jê wezareta navxwe, perwede û şaredarî, di 1993 bû Cîgirê Fermandarê Giştî yê Hêzên Pêşmerge. girîngî dida warên çandî û ciwanan de wek piştgiriya wî ji tîmên werzîşî û teknîkî ,bi hemû tiwanayê xwe doza kurdên Faylî parast û ji bo sivikkirina rewşa wan xwedî li wan derket û rêxistinek ji bo kêmendaman û nexweşxaneyek taybetî ji bo Pêşmerge û malbatên wan ava kir.

Cebar Ferman Elî Ekber di 28ê Hezîrana 1947an de li gundê Banmîlê yê bajarê Xaneqînê ji dayik bû, di 18ê Îlona 1954`an de, ew li Dibistana Seretayî ya Karîzê li gundê Karîzê yê Xaneqînê dest bi xwendinê kir û di sala 1960 de xwendina xwe ya seretayî heta xwendina xwe ya navîn qedand, ew ket peymangeha Mamosteyan li Baqobe . Ew wek mamoste li navçeya Buhrez li Diyala hat tayîn kirin.


PUKMEDIA