Du terorîstên DAIŞê hatin girtin

PUKMEDIA

Asayîş

Roja Pêncşemê Operasiyona Asayîşê ya Herêma Kurdistanê bi hevkariya Asayîşa Silêmanî û Germiyanê girtina 2 terorîstên DAIŞê ragihand.
Dezgeha Asayîşê di daxuyaniyekê de ragihand, ku nusxeyek jê gihîştiye destê PUKMEDIA yê: Piştî wergirtina zanyariyên istixbaratî ji dezgehên ewlekariya federal derbarê cihê 2 terorîstan, lêkolîn û operasyonên şopandinê dest pê kirin û 2 operasyonên serkeftî ji bo girtina wan hatin encamdan. 
Di daxuyaniyê de hatiye: Di yekem operasiyona 24.07.2023ê de, hêzên Asayîşê bi hevkariya hêzên Asayîşê li Germiyan karîn kesê xwestî (M.K.) di veşartgeha wî de li nêzîkî navçeya Xaneqînê bigirin.
Di daxuyaniyê de hatiye: Di operasyona duyem de ku roja 27.07.2023ê bi hevkariya hêzên Asayîşê li Silêmaniyê pêk hat, kesê tê xwestin (H.M.S) ku wek fermandeyê desteyek di nav rêxistina terorîst a DAIŞê de kar dikir, hat girtin. 
Di daxuyaniyê de hat destnîşankirin ku kesên ku dihatin xwestin bi biryara dadwerê lêpirsînê ya saziya Asayîşê û li gorî xala 4'an a Qanûna Têkoşîna dijî Terorê radestî edliyeyê hatin kirin.
PUKMEDIA