Pîre: Serok tekez kir ku nabe debara welatiyan tevlî cudahiyên siyasî bibe

PUKMEDIA

Saadî Ehmed Pîre

Endamê Mekteba Siyasî ya Yekîtiya Niştimanî ya Kurdistanê tekez kir ku serdana Bafil Celal Talebanî Serokê Yekîtiya Niştimaniya Kurdistanê bo Bexdayê bi mebesta şandina mûçe û mafên gelê Kurdistanê ji bûdceya federalî bû.û erk serkeftî bûn , biryare hikûmeta Federl mûçeyên karmendan di hefteya dahato de bişîne.

Saadî Ehmed Pîre di hevpeyvînekê de ligel televizyona gelê Kurdistanê got: Serok Bafil Celal Talebanî di civîna xwe ya li Bexdayê de ji serokwezîrê federal Mihemed Şiya El-Sûdanî re got: “Nabe welatî û karmendên herêmê bên sizakirin û debara jiyana welatiyan bi nekokiyên di navbera hikûmeta herêmê û hikûmeta federal de neyê tevlihevkirin, lewra armanca serdana Serok bo Bexdayê ew bû ku şandina mûçe misoger bike û hewlên wî bi serketî bi dawî bûn, ji ber ku dê di destpêka heftiya bê de mûçe bên şandin.
Saadî Pîra got jî: Serok Bafil Celal Talebanî ji hemû aliyên Bexdayê re eşkere kir ku Yekîtiya Niştimanî ya Kurdistanê amadeye hilbijartinan bike, bi mercê ku ew hilbijartin bi awayekî dadmend û şefaf bin û li gor yasayeke nû û lîsta helbijartinan a serastkirî birêve biçe, û ya ku tê gotin ku Yekîtî na bi hilbijartinan re ye derewe û buxtane, û destnîşan kir ku "Hilbijartinên berê gelek destwerdan pêk anîn, û kursiyên hilbijartinê ketine yekdestdariya aliyek, lewra em ê nehêlin ku komployên li pişt perdeyê yên li dijî me qebûl bikin.”
Derbarê rewşa Kerkûkê de jî, endamê Mekteba Siyasî ya Yekîtiya Niştimanî ya Kurdistanê got: Kerkûk ji aliyê Serok Mam Celal ve rastî girîngiyeke mezin hat û hertim di hemû civîn û konferansan de behsa çareserkirina kêşeyên parêzgehê kir û em ji xizmetkirina xelkê Kerkûkê bernadin û emê di vê derbarê de rêya Serok Mam Celal bişopînin û got: Ji vê helwêstê ve Serok Bafil hertim tekezî li ser wê yekê kir ku pêwîste aliyên Kurdistanî bi yek lîste beşdarî hilbijartinên Encûmena Parêzgeha Kerkûkê bibin. zêdetir xizmetê ji welatiyên xwe re bikin û mafên wan biparêzin."


PUKMEDIA