Serok Bafil : Dabînkirina mafên destûrî û xizmetkirina gelê me

PUKMEDIA

Qeys Xezalî û Serok Bafil

Serokê Yekîtiya Niştimanî ya Kurdistanê Bafil Celal Talebanî bi Sekreterê Giştî yê Tevgera Ehlî Heq ,Qeys El Xezelî  li Bexdayê civiyan.
Di hevdîtinê de pêşhatên dawî û pêşhatên siyasî hatin gotûbêjkirin û tekezî li ser bihêzkirina saziyên yasayî û destûrî hat kirin ku pêwîstiyên rewşê û daxwazên welatiyan bi cih bînin.
Her li vê hevdîtinê de her du alî tekez li ser bihêztir kirina peywendiyên di navbera xwe de û berfire kirina hemahengiyê ji bo pêkhatina lihevhatineke niştimanî li ser mijarên niştimanî û derbas kirina wan astengên ku rêgiriyê li proseya çaksaziyê dikin, kirin.
Serok Bafil  Celal Talebanî li ser pirsgirêkên navbera Herêma Kurdistanê û Bexdayê û hewlên Yekîtiya Niştimanî ya Kurdistanê ji bo derbaskirina rewşê got: bidestxistina mafên destûrî ji bo navçeyê û xizmetkirina gelê me yek ji karên sereke yên karên me ye û emê berdewam bin li ser hewlên xwe ji bo bidestxistina wê armanca bilind.
PUKMEDIA