Serok Bafil Talebanî pîrozbahî li xwendekarên serkeftî dike

Arşîv

Serok Bafil Celal Talabanî

Serokê Yekîtiya Niştimanî ya Kurdistanê Bafil  Celal Talebanî, piştî ragihandina encamên îmtîhanan li Herêma Kurdistanê ku êvara duşemê, ji aliyê Wezareta Perwerdehiyê hikûmeta herêmê ve hat eşkere kirin, telgrafeke pîrozbahiyê ji xwendekarên hêja yên qonaxa 12emîn a amadekariyên Herêma Kurdistanê re di hemû şaxên wê yên zanistî, wêjeyî û pîşeyî de şand.
Di peyama pîrozbahiyê ya Serok Bafil  Celal Talebanî de wiha ye:
Ji dil û can pîrozbahiyê li hemû şagirtên hêja dikim ku pola 12emîn a lîseyê bi serkeftî temam kirin û gaveke din jî ji bo gihîştina armancên xwe nêzîk bûn.
Ji bo serkeftinê ne tenê rêyek heye, xwendekarên ku ji ber çi sedemê be jî nekarîn vê qonaxê bi serkeftî derbas bikin, piştrast bin ku derfetên we yên zêdetir hene û dê bi hewldanek zêdetir nêzî xewnên xwe bibin.
Bê guman em rol û pozîsyona mamosteyan ji bîr nakin ku di qonaxên curbicur de bi xem  bûn ku nifşek tijî enerjî û afirînerî mezin û perwerde bikin, em spasiyên xwe pêşkêşî wan dikin û bi hurmet li hewlên wan dinêrin.
Em ê wek her carê bimînin , piştgiriya xwendekaran bikin û sektora xwendinê bi pêş bixin, berê ez nêzîkî we bûm û di pêşerojê de jî emê xizmetên zêdetir ji we re pêşkêş bikin, hûn ji bo vî gelî sermayeya herî bi nirx in û  bê we tu pêşerojeke geş nahê bidestxistin.
Dilsozê we
Bafil Celal Talebanî
Serokê Yekîtiya Niştimanî ya Kurdistanê
PUKMEDIA