YNKê bi proje û çalakiyan parastina mafên gelê Kurdistanê dike

Kurdistan 05:51 PM - 2023-06-19

YNK di bûdceyê de mafên gelê Kurdistanê îsbat dike

Yekîtiya Niştimanî ya Kurdistanê bi rêya firaksiyona xwe li Parlamentoya Êraqê de kariye gelek made û xalên ku di berjewendiya gelê Kurdistanê de ne, di yasaya bûdceya federalî ya salên 2023-2024-2025 de cîbicî bike û rê li ber wê jî girt ku bi derxistina xalekê girêdayî birîna beşên herêmê di egera nakokiyên digel hikûmeta Federal.

YNK hewl da ku bendek ji bo wergirtina mûçeyên fermanberan  saz bike

Endama firaksiyona Yekîtiya Niştimanî ya Kurdistanê Dr.Briyar Reşîd di daxuyaniyekê de ji malpera fermî ya Yekîtiya Niştimanî ya Kurdistanê PUKMEDIA re ragihand: “Pêrastkirina xala 8 a madeya 13 ya bûdceya federalî,bi  hewlên Yekîtiya Niştimanî ya Kurdistanê bû û ew xaleke giring e ku hikûmeta herêmê ferz dike ku giringiyê bide dayîna mûçeyên karmendan û xanenişînan, û her wiha şopandina dadweriyê di navbera parêzgehan de di pirojeyên weberhênanê de.
Got jî: Em wek firaksiyona  Yekîtîya Niştimanî gelek hewl da ku bendek ji bo wergirtina mûçeyên fermanberên herêmê saz bikin, lê baskekî Kurdistanî li hember wê bendê rawestiya û ew xal derneket, lê em dev ji vê pirsê bernadin, ji bo parastina mafên xebatkarên herêmê em ê xebatên xwe bidomînin û hemû rêyên yasayî bişopînin."

Paragrafa têkildarî rawestandina şandina para herêmê jêbirin

Endamekî firaksiyona Yekîtiya Niştîmanî tekez kir: “Di xala 13’an de xala 7’emîn hat behskirin, ji ber ku di navbera hikûmeta federal û hikûmeta herêmê de li ser maf, erk û mekanîzmayên ku di bendên qanûnê de cih digirin cudahiyek di nêrînan de heye ,ev yasa û nakokî di heyama 15 rojan de nayê çareserkirin, şandina pişka herêmê ji bûdceyê hat rawestandin, lê bloka Yekîtiya Niştimanî karî rawestandina şandina pişka herêmê ji holê rake û 30 rojî bide ji bo çareser kirina pirsgirêkan û eger di heyama diyarkirî de nehat çareser kirin, meclisa nûneran ji bo çareser kirina wê destûr heye.

Ji bo berjewendiya Pêşmerge paragrafan saz kir

Brîyar Reşîd got: "Serastkirina mûçe û mafên zêdetirî 20 hezar Pêşmerge li Wezareta Berevaniya Federal, danîna 3 hezar pasewanên sînorî, veguhestina lîwayên hevbeş bo karmendên Wezareta Berevaniyê ku hejmara wan zêdetirî 4 hezar Pêşmerge ye, guhertina girêbestên Karmendên Komisyona Hilbijartinê û zêdetir ji 3000 karmend jê sûd werdigirin, bûdceya petrodolar rasterast ji herêmê re şandin, rêgirtin li danîna bacê li ser kartên telefonên destan û xalên din ên girîng di bûdceyê de, di xizmeta gelê Êraqê bi giştî û hemwelatiyên Kurdistanê bi taybetî ye.

Yekîtiya Niştimanî para herêmê ji bûdceyê parast

Parlamenterê Parlamentoya Herêma Kurdistanê Karwan Yarwais ji PUKMEDIA di daxuyaniyeke taybet de ragihand: Bi cîbicîkirina yasaya bûdceya federalî, pirsgirêka paşxistina mûçeyên karmendan li Herêma Kurdistanê dê bête cîbicîkirin û dawî, ev krîza ku karmend zêdetirî heşt sal in tûşî wê bûne bîne.Got jî: Dema yasaya bûdceya federal bikeve cîbicîkirinê, hikûmeta federal dê her meh pereyên darayî ji Herêma Kurdistanê re bişîne û Hikûmeta Herêma Kurdistanê jî dikare mehane mûçeyên karmendan bê paşxistin dabeş bike, ji bilî destpêkirina kar li ser projeyên rawestandî , nîşan dide ku Wezareta Darayî ya Federal dê di demek nêzîk de talîmatan ji bo xerckirina budceya Federal bide.
PUKMEDIA