Yekîtî dixwaze Pêşmerge ji hizb mezintir be

Rêportaj 12:49 PM - 2023-06-17

Pêşmergeyên Kurdistan

Komîteya Pêşmerge zêdetirî 70 civîn ji bo yekrêzî û xizmetkirina hêzên Pêşmerge li darxistiye, lê bi sedema rêgiriya aliyekê hewlên wan bê encam mane,Yekîtî dixwaze Pêşmerge ji hizb mezintir be. Di wê çarçoveyê de serokê ya Yekîtiya Niştimanî ya Kurdistanê  Bafil Celal Talebanî di civîna di gel şanda serbazî Birîtaniya de ragihand ku: "YNK pabende bi hemû rêkeftinên di dema borî de ji bo yekxistina hêzên Pêşmerge. Em naxwazin ev rêkeftin bi xeletî bên arastekirin û ev pirsa netewî bibe qurbaniya berjewendiyên hizbî."
 

Aliyek naxwaze hêzên Pêşmerge bibin yek

Endamê Komîteya Pêşmerge li Parlamentoya Kurdistanê Osman Sêderî ji malpera fermî ya Yekîtiya Niştimanî ya Kurdistanê PUKMEDIA re ragihand; Lijneya me ya li Parlamentoya Kurdistanê heta niha zêdetirî 70 civînên navxweyî û bi dehan civîn li gel hêzên Pêşmerge, hevpeymanan û artêşa Êraqê pêk anîne, lê hewlên me  wek pêwîst  negihiştine encam.
Wî got: "Ne hewla yekxistina hêzên Pêşmerge di nav wezaretekê de, belku hewla çêkirina pirsgirêkan bo hêzên hevbeş ên ku ji aliyê hevpeymanan ve tên piştgirîkirin, ji bo mebestên şexsî û hizbî ye û dixwazin hêzên Pêşmerge wek hêzeke hizbî bimînin."

Amaje bi wê yekê jî kir ku: “Bêbaweriya aliyên Kurdistanî ne tenê bandor li ser yekxistina hêzên Pêşmerge kiriye, belkî bandoreke neyînî li ser yekrêziya Kurdan li Bexdayê jî kiriye.

Armanca YNKê yekkirina hêzên Pêşmerge ye

Fermandeyên leşkerî yên YNKê berdewam in li ser hewla yekgirtina hêzên Pêşmerge û dixwazin Pêşmerge hêzeke niştimanî be û xizmeta gelê Herêma Kurdistanê bike ne ku ji bo berjewendiyên hizbî û kesayetî were bikaranîn.

Pêşmergeyê dêrîn û endamê Serkirdatiya Yekîtiya Niştimanî ya Kurdistanê Mela Arî ji PUKMEDIA re ragihand: “Hewldanên Serok Bafil weke partî û Qubad Talebanî di hikûmetê de û hevdîtinên wan ligel hevpeymanan û şandên leşkerî yên welatên mezin, rastiyeke nayê înkarkirin ku armanca YNKê ku hêzên pêşmerge weke hêzeke niştimanî be.

Herwiha got: "YNKê li ser asta serkirdeyên xwe yên serbazî hewlên mezin da bo yekxistina hêzên Pêşmerge û me di wê baweriyê de bû ku em dikarin bi hêzeke niştimanî zêdetir xaka Herêma Kurdistanê biparêzin û xizmeta gelê Herêma Kurdistanê bikin."
  Mela Arî got: lê belê yek alî ne xwediyê wê armancê ye û dixwaze hêza xwe weke hêzeke milîs ji bo berjewendiyên xwe yên hizbî û kesayetî bikar bîne."

Serokê Yekîtiya Niştimanî ya Kurdistanê Bafil Celal Talebanî û Cîgirê Serokwezîrê Herêma Kurdistanê Qubad Talebanî li ser hewldanên yekgirtina hêzên Pêşmerge berdewam in.
Ji bo wê mebestê jî YNK piştevaniya hemû hewlên yekxistina hêzên Pêşmerge dike daku xizmeta gelê Herêma Kurdistanê bike.


PUKMEDIA