YNK: Pirsgirêka paşxistina mûçeyên karmendan namîne

PUKMEDIA

Fraksiyona YNKê li Êraq

Yekîtiya Niştimanî ya Kurdistanê li Parlamentoya Kurdistanê tekezî li ser wê yekê kir ku di demeke nêzîk de pirsgirêka paşxistina mûçeyê fermanberên Herêma Kurdistanê bidawî dibe.
Berdevkê  firaksiyona Yekîtiya Niştimanî ya Kurdistanê li Parlemena Êraqê  Karwan Yarvayis di daxuyaniyeke taybet de ji PUKMEDIA re ragihand : Bi cîbicîkirina yasaya bûdceya federalî, pirsgirêka paşxistina mûçeyên karmendan li Herêma Kurdistanê bidawî dibe, ev kirîza namîne ku karmend ji heşt salan zêdetir e ku vê  êşê dikişînin.
Got jî: Dema ku yasaya bûdceya federal bikeve cîbicîkirinê, hikûmeta federal dê her meh pereyên darayî ji Herêma Kurdistanê re bişîne û Hikûmeta Herêma Kurdistanê jî dikare mehane mûçeyên karmendan bê paşxistin dabeş bike, li gor yasayê, 15 roj piştî pesendkirina qanûnê dê Wezareta Darayî talîmatên pêwîst ji bo cîbicîkirina proje yasaya bûdceyê bide.

Serok Bafil:êdî jiyana gel ji bo şerê siyasî neyê bikaranîn

Duh di derbarê bûdceya Êraqê û hewlên pêkanîna dadweriyê de  Serokê YNK ê Bafil Celal Talebanî  got: “Hemû hewlên me li ser esasê wekhevî û nehiştina cudaxwaziyê bû, her çendî bersiva hemû daxwazên herêmê neda, lê niha em di wê baweriyê de ne ku cîbicîkirina qanûnê wê maf û heqê darayî kurdan dabîn bike û êdî jiyana gel ji bo şerê siyasî neyê bikaranîn."
PUKMEDIA