Gotûbêj ji bo diyarkirina roja nû ya hilbijartinên Parlamentoya Kurdistanê

Serokatiya Herêma Kurdistanê

Serokatiya Herêmê bi amadebûna Blaskhart bi Komîsyona Hilbijartinan re dicive

Serokê Herêma Kurdistanê Nêçîrvan Barzanî di hevdîtinekê de ligel şandeke Komîsyona Bilind a Serbixwe ya Hilbijartinan li Êraqê tekezî li ser wê yekê kir ku pêwîste gavên pêwîst bo lidarxistina hilbijartinên Herêma Kurdistanê di zûtirîn dem de bên avêtin.
Îro pênşemî 15.06.2023, şandeke nûneratiya Komîsyona Bilind a Serbixwe ya Hilbijartinan, li ser vexwandina fermî ya Serokê Herêma Kurdistanê, bi mebesta gotûbêjkirina pêngavên amadekariyên ji bo lidarxistina hilbijartinên Parlamentoya Herêma Kurdistanê, serdana Hewlêrê kir.
Li gor daxuyaniya Serokatiya Herêma Kurdistanê, di civînê de, nûnera Sekreterê Giştî yê Neteweyên Yekgirtî li Êraqê Jeanine Plasschaert, her du cîgirên serokên herêmê Cefer Şêx Mistefa û Mistefa Seyîd Qadir û tîmeke pispor a Herêma UNAMI amade bûn. 
Nêçîrvan Barzanî tekezî li ser lezkirina pêngavên lidarxistina hilbijartinên Herêma Kurdistanê kir û amadeyiya Serokatî, hikûmet û hemû aliyên pêwendîdar ên Herêma Kurdistanê ji bo serxistina proseya hilbijartinan nîşan da.
Ji aliyê xwe ve Blaskhart û tîma UNAMI piştevaniya xwe ji bo pêngavên Serokê Herêma Kurdistanê nîşan dan û tekez li ser amadebûna xwe ji bo pêşkêşkirina alîkariyê ji bo encamdana hilbijartinan û serxistina hilbijartinan kirin. 
Serokê Komisyona Bilind a Serbixwe ya Hilbijartinan û Encumena Komisyonan spasiya vexwandin Serokê Herêmê ji bo danûstandina nêrîn û diyalogê kir û amadehiya xwe bo lidarxistina hilbijartinên Herêma Kurdistanê li gor yasayan nîşan da, piştî dabînkirina pêdiviyan û lihevkirina li ser tarîxek guncaw ji bo girtina wan.
Di vê derbarê de biryar hate dayîn ku bi mebesta diyar kirina roja hilbijartinên ku tê payîn li Herêma Kurdistanê bên lidarxistin, danûstandin berdewam bin.
PUKMEDIA