Civîna parlamentoya Êraqê ya derbarê bûdceyê de dest pê kir

PUKMEDIA

Civata nûnerên Êraqê

Parlamentoya Êraqê bi amadebûna 258 parlamenteran dest bi rûniştina xwe ya ji bo pesendkirina proje yasaya bûdceya 3 salan kir.
Beriya niha jî Serokê Lêjneya Darayî ya Parlamentoya Êraqê Atwan Atwanî ragihandibû, piraniya nakokiyên di proje yasaya bûdceyê de hatine çareserkirin û îşev civîneke taybet tê lidarxistin.
Got jî: di rûniştina îşev de 15 maddeyên proje yasaya bûdceyê dê bên pesend kirin û sibe Înê jî dê rûniştineka din bê kirin û hemû proje yasayê bê pesend kirin.
Piştî ku Serokê Parlamentoyê Mihemed Helbûsî biryar da ku rûniştina parlamentoyê ya ji bo dengdana li ser proje yasaya bûdceya federal heta roja şemiya bê were paşxistin, di civîna Komîteya Darayî de, ew biryar paşve kişand û endamên parlamentoyê vexwend ku beşdarî salona civînê bibin.
Demek kin berî niha civîna parlamentoyê bi amadebûna zêdetir ji 250 parlamenteran dest pê kir û reşnivîsa dawî ya projeyasaya bûdceyê li ser parlamenteran hat belavkirin.
Parlamenterekî Yekîtiya Niştimanî ya Kurdistanê ji PUKMEDIA re ragihand: "Serokê Parlamentoyê Mihemed Helbûsî 24 saet dem da Komîteya Darayî ya Parlamentoyê ji bo lêkolînkirina projeyasaya qanûnê temam bike, ji ber wê jî biryar hat dayîn ku rûniştin heta roja şemiyê were paşxistin."
Biryar bû ev civîn saet yek piştî nîvro birêve biçe, lê ji ber ku bilokan li ser xalên nakok li hev nekirin, serokatiya civata nûneran zêdetir ji carekê ew civîn paşxist.
PUKMEDIA