Parlementar: Tenê dengdan bijardeya Encumena Nûneran e

PUKMEDIA

Encumena Nûneran

Biryare îro Pêncşemê li ser pirojeyasaya Budceya Federal yê salên darayî 2023, 2024, 2025, Encumena Nûneran deng bide.

Endamê fireksiyona Yekîtiya Niştimnaî ya Kurdistanê Biryar Reşîd di daxuyaniyeke taybet de ji PUKMEDIA re ragihand:  Tenê li pêş Encumena Nûneran dengdan li ser pirojeyasaya budceya federal heye, û li gor peymanên siyasî jî dive îro deng were dayîn.
Amaje bi wê yekê jî kir ku hemû fireksiyonên parlemantoyê piştevaniya wê yekê dikin ji ber ku derngxistin ne di berjewendiya ti aliyekê de ye, raste hinek cudahî di navbera aliyan de li ser xalên budceyê hene lê hewl tê dayîn ku di divîna îro de deng bidin.

Eşkere jî kir: Dibe ku li ser proje yasaya bûdceyê hinek cudahî derbikevin, lê ew cudahî dê di hundirê salona parlamentoyê de bên çareserkirin, û proje yasaya bûdceyê dê were derbaskirin.
Ji aliyê xwe ve, îro Pêncşemê Dezgeha Ragihandinê ya Encûmena Nûneran ragihand ku civîna Civata Nûneran dê heta demjimêr 20:00ê êvarî îro were paşxistin.
Dezgeha ragihandinê di daxuyaniyekê de ragihand: “Meclisa Nûneran biryar da ku civîna xwe heta saet heştê êvarê were paşxistin.”

PUKMEDIA