100 parlamenterên Êraqê ji bo pesendkirina bûdceyê îmzeyan kom dikin

PUKMEDIA

Meclîsa Nûneran

Parlamenterên Kurd û hejmarek ji parlamenterên Ereb îmzeyan kom dikin da ku zextê li parlamentoyê bikin ku deng li ser bûdceyê bide.
Parlamenterê Fraksiyona YNKê li Parlamentoya Êraqê Karwan Yarwais ji malpera fermî ya Yekîtiya Niştimanî ya Kurdistanê (YNK) PUKMEDIA re ragihand: “Me piştgiriya  xwe diyar kir û navên xwe danîne ser yadaştnameya helmeta komkirina îmzeyan bo pêkanîna fişarê li ser Serokatiya Parlamentoya Êraqê ku di vê hefteyê de civînekê ji bo dengdana li ser pesendkirina proje yasaya bûdceya Êraqê saz bike.
Her wiha got:’’ “Derengxistina pesendkirina bûdceyê ne tenê binpêkirina rêziknameya parlamentoyê ye, herwiha bandoreke neyînî li ser jiyana xelkê, bazar û projeyên xizmetguzariyê jî dike.’’
Ji aliyê din ve Endama Lijneya Darayî ya Parlamentoya Êraqê ji Fraksiyona YNKê Dr.Narmîn Merûf ji PUKMEDIA re ragihand: “Ji ber ku bûdce mijareke giştî ye, piraniya parlementeran li gel proje yasayê ne û ji bo vê kampanyayê jî nêzî 100 îmze hatine komkirin, ji bo pêşniyarkirina her madeyê jî pêwîstiya me bi 50 îmzeyan heye.
PUKMEDIA