Ziyad Cebar: YNK aktîvkirina komîsyonê nas nake

Kurdistan 02:53 PM - 2023-05-25

Serokê Fraksiyona YNKê Ziyad Cebar

Serokê Fraksiyona YNKê Ziyad Cebar wiha got: ‘’Herêmên qut kirî ji bo YNKê giring in û em erkê xwe dibînin ku em xizmeta wan deveran bikin.’’
Komîsyon dîsa nehatiye aktîvkirin û tişta ku PDK dibêje karê hizbî ye û ti bingehek nîn e,hilbijartin nahê kirin ji ber  ku aliya  lihev nekirine , PDK bi xwe înîsiyatîfa Mesûd Barzanî ya ji bo yekrêziya navxweyî ya Kurdistanê şikand.

YNK erkê xwe dibîne ku xizmeta navçeyên qut kirî bike

Serokê Fraksiyona YNKê li Parlamentoya Kurdistanê Ziad Cebar di civîneke rojnamevaniyê de ragihand, ku Fraksiyona YNKê serdana Xaneqînê kiriye,balkêşkirina li ser deverên qut kirî  karekî sereke yê YNKê ye û ji serdema Serok Mam Celal heta niha siyaset û hewlên YNKê li Herêma Kurdistanê û Bexdayê ji bo îsbatkirina wê yekê ye.
 Ji bo YNK  hebûna aramiyê li navçeyên qut kirî  û jiyaneke minasib bo hemwelatiyên herêmê bûye.
Her wiha got: “Erkê me ye ku em bi dabînkirina pêwîstiyan û xizmetkirina xelkê, xizmeta Xaneqîn û navçeyên qut kirî  bikin, lewra armanca me di vê serdana xwe ya bo Xaneqînê de ew e ku em navçeyên qut kirî di rewşa navbera hêzên siyasî û hikûmet û saziyan de bibînin.
  "Em ê destûr û rewatiya Kurdistanê û têkiliyên Herêma Kurdistanê û hikûmeta navendî agahdar bikin."Serokê Fraksiyona YNKê di bersiva pirsên rojnamevanan de derbarê aktîvkirina komîsyonê de jî got;“Armanca YNK’ê ew e ku li herêmê helbijartinên paqij bên kirin, lê tişta ku li parlamentoyê qewimî ne aktîvkirina komîsyonê bû, tenê şer bû, ji ber ku PDK’ê roja borî biryara aktîvkirina komîsyonê dabû.
Ew dibêje, tenê karê hizbî ye û nayê cîbicîkirin û ti bingeh û rewatiya xwe li gek YNKê nîne.”

PDK bi xwe însiyatîfa serokê xwe şikand

Her wiha got: “Gelê Kurd ji destpêşxeriya Mesûd Barzanî ya ji bo yekrêziya navxwe ya Kurdistanê kêfxweş bû û YNK yekem partî bû ku destpêşxeriya wî qebûl kir û di civîna parlamentoyê de amade bû da ku em hilbijartinên dadperwerane pêk bînin.Lê belê di rûniştina Parlamentoya Kurdistanê de PDK bi xwe înîsiyatîfa serokê partiyê şikand û ya ku kir jî ew bû ku rê nede hilbijartin û rêkevftina partiyan were kirin.”
Wî got:  “YNK û PDK her dema ku ji bo nêzîkbûna hev gavan bavêjin, bi daxuyaniyek an jî helwesta PDK’ê du gavan şûnda  dihavêjin.
Roja 22-5-2023, bi sedema zêdekirina xalekê di rojeva civîna çarem a parlamentoya Kurdistanê de, Dr. Rewaz Fayeq, serokê parlamentoyê, desthilata xwe ya teqez bikar anî û got berdewamiya  civîna parlementoyê li dijî rêziknameyan be nayê kirin.
PUKMEDIA