Serok Bafil: Divê bi qeder û dengê gel neyê lîstin

PUKMEDIA

Serokê YNK û Serok û endamên Parlamentoya Kurdistanê

Serokê Yekîtiya Niştimanî ya Kurdistanê (YNK) Bafil Celal Talebanî, Biryarderê Desteya Kargêrî Mekteba Siyasî Refat Ebdullah, Berpirsê Mekteba Siyasî Aso Mamend û Qubad Talebanî  Çavdêrê Sekretariya Serok Mam Celal pêşwaziya Serokê Parlamentoyê  û Fraksiyona YNKê li Parlamentoya Kurdistanê kir. 
Di destpêka hevdîtinê de Serok Bafil Celal Talebanî rola dîrokî û wêrek ya Fraksiyona YNKê bilind nirxand û tekezî li ser piştgiriya  hemû pêkhateyên YNKê ji bo serokê parlamentoya Kurdistanê kir û got :’’Bi rêziknameya parlamentoyê pêşî li karekî neyasayî girtin, îradeya gel qezenç kirin û nehiştin rûmeta parlamentoyê bê binpêkirin.
Her wiha got:’’ Helwesta duh ya çêkirina ezmûna demokratîk a herêmê cihê şanaziyê bû ji bo YNK, dilsozên gel û dostên demokrasiyê ku dixwazin hilbijartinên dadmend di dema xwe de bên lidarxistin û bi çarenivîs û dengê xelkê nelîzin.’’
Serok BafIl got :’’ku ji destpêka pirsgirêkên siyasî û yasayî yên derbarê pirsa helbijartinan de, YNKê bi berpirsatiya herî mezin li ser lihevkirin û rêkeftina niştimanî kar kiriye û di nav hemû aliyên siyasî de gavên pêwîst avêtin  ji bo qanûna hilbijartinan biguherînin û komîsyonê ji nû ve aktîf bikin. Dûr ji ferzkirina xwestekên gel û ne bikaranîna kursiyê pêkhatan ji bo çareserkirina pirsgirêkên diyarker weke ku me duh dît û mixabin tişta ku diviyabû bibûya pêk nehat.
Derbarê nûneratiya pêkhatan  û hilbijartina çarenivîsa xwe de jî Serok Bafil got: “Ji destpêkê ve me daxwaz kiriye ku pêkhat  bi rastî nûneratiya xwe bikin û di nakokiyên siyasî û hizbî de neyên bikaranîn.
Serok Bafil Celal Talebanî di berdewamiya axaftina xwe de li ser rewşa giştî ya navçe û Êraqê, daxwaz ji parlementerên YNKê kir ku ji bo parastina mafên gel pişta xwe bi qanûnê bigrin û rê nedin ku saziyên rewa ji bo berjewendiyên hizbî bên bikaranîn û saziyên netewî xerab bikin.
Di hevdîtinê de Serok Bafil geşbîniya xwe diyar kir ku bi piştgiriya  gelê dilsoz û welat wê vê rewşê derbas bikin û daxwaz ji hemû aliyan kir ku bi berpirsyarî li hember vê qonaxa hestiyar tevbigerin. Wî got: “Pêwîste bicîanîna berjewendîyên netewî karê meyê sereke be.
Serokê  YNKê got, tevî wê pirsgirêkê ku li parlamentoyê derketiye, YNK li ser baweriyên xwe yên neguherbar israr dike û ji bo çareserkirina pirsgirêkan û lidarxistina hilbijartinên adil di dema xwe de ji hemû diyalog û têgihiştinê re vekirî ye.
PUKMEDIA