Rûniştina Parlemana Herêmê hat paşxistin

Kurdistan 01:27 PM - 2023-05-22

Parlemana Kurdistanê

Rêwaz Fayiq Seroka Parlemana Kurdistanê biryar da ku li gorî xala 3 ya madeya 18 a rêziknameya parlemana Kurdistanê civîna parlemanê were paşxistin.
Piştî biryara Seroka Parlemanê, di navbera fireksiyonên Yekîtiya Niştimanî û Partiya Demokrat de alozî û şer derket.

Seroka Parlemanê: Pêwîste li ser dozen Niştimanî yekdeng bin

Seroka Parlemana Kurdistanê di civîna Parlemana Kurdistanê de got: "Ji bo parastina yekrêziya rêzên niştimanî û hevdengiya hêzên siyasî, min biryar da ku desthilata xwe ya taybet bêyî sînor û şert û merc bikar bînim û rûniştinê ji bo demeke din û bernameyeke din a xebatê paş dixim.

 Fireksiyona Yekîtî: Em tekeziyê li ser prensîba lihevkirinê dikin, ne yekdestdarî û taybetmendiyê

Piştî bidawîhatina rûniştinê Ziyad Cebbar serokê fireksiyona Yekîtiya Nîştimanî li Parlemana Kurdistanê di daxuyaniyeke rojnamevanî de ragihand: “Seroka Parlemana Kurdistanê li gorî xala 3 ya madeya 18, biryara qanûnî û yasayî ya rast ji bo paşxistina civîna Parlemana Kurdistanê derxist. Serokê fireksiyona Yekîtiya Niştimanî ya Kurdistanê tekezî li ser pêwîstiya pabendbûna bi rêkeftin û têgihiştinên ku di navbera hêz û aliyên siyasî yên ku nûneratiya wan di guhertina yasaya hilbijartinan de kirine û li ser hemû mijarên girêdayî proseya demokrasiyê li Herêma Kurdistanê de çêbûne, kir.

Serokê Fraksiyona Goran: Guherîna yasaya hilbijartinan û aktîvkirina komîsyonê yek pakêc e Serokê Fraksiyona Gorran daxwaz kir ku kêşeya hilbijartinan bi diyalogê di navbera aliyan de were çareserkirin û aliyên beşdar di hikûmetê de jî li ser wê yekê razî bûne ku sererastkirina yasayê û aktîvkirina komîsyonê yek pakêc be, lê tiştê ku niha rû dide karkirina komisyonê bi bê guhartina yasa ye û paşîmanbûn li wê rêkeftinê ye. Seroka Fraksiyona Goran li Parlemana Kurdistanê Gulistan Seîd di kongreyeke rojnamevanî de ragihand: “Pirsa hilbijartinan pirseke niştimanî ye û divê ji aliyê partiyan ve bigihe hev, aliyek ji bo berjewendiyên xwe û bêyî berçavgirtina berjewendiyên giştî nikare vê mijarê bixapîne. Pêştir li ser mijara hilbijartinan di navbera aliyên siyasî de bi taybetî di navbera aliyên ku hikûmetê pêk tînin de lihevkirinek hebû û me rêkeftinek îmze kirk u pêwîste yasaya hilbijartinê bê kirin û komîsyon ji nû ve bê aktîfkirin.

Di bernameya xebatê de paragrafa neqanûnî û yasayî

Duh Yekşemê Yekîtiya Niştimanî ya Kurdistanê li Parlemana Kurdistanê bi daxuyaniyekê derbarê helwesta Partiya Demokrat de, xaleke neyasayî xiste nav rûniştina Parlemana Kurdistanê û tekez kir ku ev pêngava neyasayî binpêkirina xala (48) ya madeya (48) ya qanûnê ye, ji ber ku (24) demjimêran berî civînê ev xal nehatibû ragihandin û herwiha binpêkirina rêkeftina siyasî ya di navbera hêzên siyasî û baskên Parlemana Kurdistanê de.

PUKMEDIA