Yekîtî daxwaza pilebilindkirina fermanbaran dike

Kurdistan 12:50 PM - 2023-05-18

Yekîtî daxwaza pilebilindkirina fermanbaran dike

Yekîtiya Niştimanî ya Kurdistanê di Parlamentoya Kurdistanê de hemû hewlên xwe dide ji bo vekirina deriyê pilebilindkirina karmendan li Herêma Kurdistanê, ji ber ku zêdetirî 7 sal berê bi biryara Hikûmeta Herêma Kurdistanê rawestiyabûn û ev biryar heta niha jî berdewam e.

Ji nûve vekirina deriya pilebilindkirinê

Cîgirê Serokê fireksiyona Yekîtiya Niştimanî ya Kurdistanê li Parlamentoya Kurdistanê Luqman Werdî ji PUKMEDIA re ragihand: Me di Yekîtiya Niştimanî ya Kurdistanê de daxwaz kir ku deriyê bilindkirina pileyên karmendan ji nû ve were vekirin.
Got jî: pilebilindkirin mafekî rewa û yasayî ye ji bo her karmendekê û li gor yasayan divê her 4 sal carekê derece û navnîşana karmendan bê guhertin û ji sala 2016ê ve hikûmeta herêma Kurdistanê ev pileberzkirina kar

Qerebû kirina karmendan

Luqman Werdî her wiha got: Me daxwaza vekirina deriyê pilebilindkirina karmendan kir û tu behaneyek ji bo rawestandina vê mijarê nîne ji ber ku ew mafekî rewa û yasayî ye bo karmendan.
Got jî: divê hikûmet dest bi bilindkirina karmendan bike û wan salên ku ji wî mafî bêpar bûne, qerebû bike û divê hikûmet vê fermanê cîbicî bike.

Tu hincet ji bo berdewamkirina rawestandina pilebilindkirina karmendan tune

Luqman Werdî dibêje: Niha ku rêkeftinek li gel hikûmeta federal pêk hatiye, êdî ti behaneyek ji bo rawestandina bilindkirina pileyên karmendan li Herêma Kurdistanê nemaye.
Got jî: Me di bloka Yekîtiya Niştimanî ya Kurdistanê de îmza kom kir û yadaştname pêşkêşî Serokatiya Parlamentoya Kurdistanê kir ku careke din kar bike û deriyê pilebilindkirina karmendan li Herêma Kurdistanê veke.

Amar bi hejmara karmendan

Hejmara karmendan li gorî sîstema tomarkirina biyometrîk, 1,249,481 e, di nav de 483,000 karmendên medenî yên ku hikûmetê berî gelek salan pilebilindkirina wan rawestandiye.
Li gor şopandina malpera fermî ya Yekîtiya Niştimanî ya Kurdistanê, PUKMEDIA, di serdema kabîneya heştem a hikûmeta Herêma Kurdistanê de, roja 1/1/2016, dema ku ew biryar kete cîbicîkirinê de, rawestandina postên karmendan dest pê kir. û zêdetirî 7 sal in berdewam dike.
Rawestandina pilebilindkirina karmendan bi agahiyên ku ji hêla Wezareta Darayî ya hejmar 11 a sala 2016 ve hatî derxistin, hate sepandin, ku di agahiyan de tê gotin ku divê hemî pileberzkirina karmendan heta pesendkirina bûdceya sala 2016 were rawestandin, ji ber ku ev talîmat di sala 2017 û salên piştre de hatine bicîh kirin.


PUKMEDIA