Refaat Ebdullah: YNK mala her têkoşerekî ye

PUKMEDIA

Civîna biryardeyê Mekteba Siyasî

Biryardeyê  Desteya Kargêrî ya Mekteba Siyasî ya Yekîtiya Niştimanî ya Kurdistanê (YNK) Refat Ebdullah dibêje: "YNK mala her têkoşerekî ye. Divê em hewlên xwe bidin ji bo lihevkirina wan têkoşer û kadroyên ku bi her awayî nîgeran in, îsal emê salrojeke layîq a damezrandina YNKê pîroz bikin.’’
Ev daxuyanî di civînekê de ku bi amadebûna Serokê Buroya Rêxistinê Serkawt Zekî bi serokên navend û desteyan û endamên Buroya Rêxistinê re hat lidarxistin de hatin dayîn.
Di civînê de ku roja 17/5 pêk hat, rêheval Refat Ebdullah di axaftinekê de behsa roja şehîdên Balakayetiyê û rola şehîd Hesen Kowêstanî ku îro salvegera şehadeta wî ye, wiha got: “Rêberê şehîd têkoşerekî payebilinde,ew mêrxas bû û di dîroka têkoşîna Kurd û Yekîtiya Neteweyî de xwedî rol û bandoreke girîng bû.”
Biryarderê desteya cîbicîkar behsa peywendiyên Yekîtiya Niştimanî kir û got:Têkiliyên YNKê li gel aliyên Kurdistanî û Êraqî yên baş hene û di proseya siyasî ya Êraqê de partiyeke sereke û bibandor e û di biryarên diyarker de jî pêgeheke me ya bihêz heye. Herwiha amaje bi pêwendiyên dîplomatîk ên YNKê ligel welat û navendên siyasî jî kir ku di asteke baş de ne.
Derbarê karê rêxistinî de rêheval Refat wiha got: “Divê em hemû hewlên xwe bidin ji bo lihevkirina wan têkoşer û kadroyên ku bi her awayî nîgeran in, ji ber li YNK ji ti kesî zêde nine û mala her têkoşerekî ye.
Di civînê de behsa salvegera damezrandina Yekîtiya Niştimanî ya Kurdistanê (YNK) hat kirin.“Divê em salrojeke hêja pîroz bikin û îsal bi rêya tîma YNK’ê ya di hikûmetê de bibe derfetek ji bo zêdetir lihevhatina gel, ji bo baştirkirina jiyan û debara gel.
PUKMEDIA