Peyvdarê YNKê: YNKê amadeye di dema xwe de hilbijartinan bike

PUKMEDIA

Peyvdarê YNKê Dr. Cemal Tahir

Peyvdarê fermî yê YNK`ê Dr. Soran Cemal Tahir tekez kir ku Yekîtiya Nîştimanî ya Kurdistanê (YNK)ê  amade ye ji bo hilbijartinên parlemana Kurdistanê pêk bîne.

Dr. Soran Cemal Tahir di evê bareyê de ji PUKMEDIA re ragihand:"Yekîtiya Nîştimanî ya Kurdistanê (YNK)ê amade ye hilbijartinan bike û ev hilbijartin pêdivêyî çend bingehên serekî yên wek serrastkirina yasaya hilbijartinan û çalakkirina komisiyona hilbijartinan in."

Her weha di daxuyaniya xwe de, wiha lê bêhtir kir û got: "Hewlên me jibo serrastkirina yasaya hilbijartinan bûn û gelê Kurdistanê û hemû alî yên siyasî piştîvaniya pêşinyarên me yên ji bo hilbijartinên parlemana Kurdistanê dikin, yasaya hilbijartinan pir kevin bûye û pêdivê ye ku bihê serrastkirin".
Peyvdarê fermî yê Yekîtiya Nîştimanî ya Kurdistanê (YNK)ê  Dr. Soran Cemal Tahir di dirêjahiya daxuyaniya xwe ji PUKMEDIA`yê re weha dazanîn: "Yekîtiya Nîştimanî ya Kurdistanê (YNK)ê piştîvaniya wê yekê dike ku pêkhatan di parlemana Kurdistanê de nûneratiyeka rasteqîne ê wan hebe û hîna zû ye û aliyên siyasî dikarin razî bin ku yasaya hilbijartinan bê hemawrkirin û serrastkirin û xalên nakokdar ên di navbera xwe de çareser bikin".

Dr. Soran wiha berdewam kir û ragihand: Eger rêkeftinek di navbera aliyên siyasî de pêk were, em dikarin di heyama du hefteyan de, yasaya hilbijartinan sererast bikin û Komîsyona Hilbijartinan pir çalak bikin û ji bo parastina navûdeng û giraniya Herêma Kurdistanê jî, divê hemû aliyên siyasî lihev bikin daku hilbijartin di dema xwe ya diyarkirî de birêve biçe.

PUKMEDIA