Li Hewlêrê salvegera terorkirina Serdeşt Osman hate bîranîn

Ajansan

Malbata Serdeşt Osman

Îro 5-5-2023 li bajarê Hewlêrê salvegera şehîd Serdeşt Osman hat bîranîn, piştre jî axaftina malbata Serdeşt Osman li ser gora kurê wan piştî şehadeta 13 salan hate xwendin û gotin: Heta niha desthilat sînaryoyên ne şêrîn li ser doza Serdesşt Osman çêdikin.

Malbata Serdeşt Osman di axaftina xwe de wiha got:
   Me bi dehan caran dubare kiriye ku xwîna Serdeşt hîn şile û peyama wî neqediyaye û bi ser neçûye.”
“Got jî ku desthilatî hîna jî senaryoyek gemar li ser doza Serdeşt Osman diafirîne.
Doza Serdeştê û hemû şehîdên qelem û azadiyê yên beriya Serdeştê û piştî Serdeştê her tim vekirî ye û ne girtî ne. Şehîd Serdeşt weke pêşengê karwanê ciwanên fedakar, pênûs û azadiyê peyama xwe gihandiye cihê mebest û maske ji ser rayedaran rakirin.
Malbata Serdeşt Osman wiha got: Nelirêtiyên hikûmeta Herêma Kurdistanê bi peyamên we li cîhanê belav bûne. Ev salek û mehek nîne ku rêxistinên navneteweyî yên rojnamegerî, dadwerî û parêzvanên mafên mirovan rastiya vê rejîma Kurd şermezar dikin."

13 sal bi ser revandina Serdeşt Osman, rojnamevan û xwendekarê Îngilîzî yê Koleja Hunerê ya Zanîngeha Selahedînê re derbas bûn, ku li Hewlêr ji berdem zanîngeha Selahedîn ji aiyên kesên ne nas ve hat revandin û piştî du rojan termê wî li Mûsilê hat dîtin û heta niha jî kujer û encamderên vê tawanê nehatine girtin û bi serbestî tevdigerin.

Birayê şehîd Serdeşt Osman, Beşdar Osman di salvegera terorkirina birayê xwe de ji PUKMEDIA re got: Eger doza Serdeşt li cem hikûmetê hatibe girtin û nayê nîqaşkirin jî, lê ji aliyê me, rojnamevan û azadîxwazan ve nehatiye girtin û berpirsên kuştina birayê min nehatine dadgehkirin.


PUKMEDIA